हरि आचार्य, कपिलवस्तु
कपिलवस्तु उद्योग वाणिज्य संघको १६ औँ बार्षिक साधारण सभा सकिएको छ भने ८ औँ अधिवेशन सुरु भएको छ । अधिवेशन अन्तर्गत यहि माघ २७ गते शनिवार निर्वाचन हुने भएको निर्वाचन मण्डलले लुम्बिनी दर्पणलाई जानकारी दिएको छ । चुनावी प्रतिस्पर्धामा उम्मेद्वारहरु गईरहदा मोहन न्यौपानेको प्यानलका सबै भन्दा कान्छा महा–सचिव पदका उम्मेद्वार मदन पौडेलको उम्मेद्वारीलाई चासोका साथ हेरिएको छ ।
न्यौपाने प्यानलका महा–सचिव पदका उम्मेद्वार २७ बर्षिय मदन पौडेल अन्य प्यानलका भन्दा पनि सबै भन्दा कान्छा उम्मेद्वारको रुपमा चुनावी प्रतिस्पर्धामा हुुनुहुन्छ ।
महासचिव पदका उम्मेद्वार मदन पौडेलले कोरोना संक्रमणको समयमा उद्योग वाणिज्य संघले आयोजना गरेका २ वटा महोत्सवमा स्टल संयोजकको जिम्मेवारी पुरा गरि अर्थतन्त्रलाई चलायमान बनाउन महत्वपुर्ण योगदान गर्नुभएको छ । युवा व्यवसायी पौडेलले बोडगाउँमा माउण्ट एभरेष्ट ट्रेड लिंक सप्लायर्स, बाणगंगा सःमिल तथा फर्निचर उद्योग, माउण्ट एभरेष्ट काष्ठ तथा फर्निचर सप्लायर्स सञ्चालन गर्दै आउनुभएको छ । त्यस्तै हाल कपिलवस्तु उद्योग वाणिज्य संघका क्षेत्रगत सदस्य रहेका उहाँ कपिलवस्तु जेसीजका पुर्व महा–सचिव पनि भईसक्नुभएको छ ।
उहाँले व्यवसायीहरुका हरेक समस्या र हक हितमा उदाहरणिय कार्य गर्न घेराबन्दीका बिच पनि यो उम्मेद्वारी रहेको बताउनुभएको छ । महासचिव पदका उम्मेद्वार पौडेलले युवाहरु विदेश पलायन भईरहदा विदेशिने युवाहरुलाई स्वदेशमै रोजगार तथा स्वरोजगार प्रदान गरि विदेश पलायन रोक्नु पनि आफ्नो लक्ष्य रहेको बताउनुभयो ।
यसरी आफ्नो समुहलाई ५ दलीय गठबन्धनको नाममा चौतर्फी घेराबन्दीमा पार्न खोजे पनि बौद्धिक, शैक्षिक, सक्रिय युवाहरुको साथ र अग्रजहरुको सल्लाह सुझाव लिदै आफुहरु मैदानमा उत्रिएकाले घेराबन्दी तोड्ने तर नझुक्ने अध्यक्ष पदका उम्मेद्वार मोहन न्यौपानेले बताउनुभयो ।
