हरि आचार्य, जितपुर

राष्ट्रिय स्वतन्त्र पार्टीका सभापति रवि लामिछानेले २०८४ मा सबै राजनीतिक दलहरुलाई पराजित गर्ने बताएका छन् ।
शनिबार कपिलवस्तुको बुद्ध रंगशालामा राष्ट्रिय स्वतन्त्र पार्टीले आयोजना गरेको सभामा संम्बोधन गर्दै उनले जनताको आर्शिवाद पाउदा सम्म
आफूलाई कसैसँग लुक्न र झुक्न नपर्ने बताएका छन् ।
उनले आगामी चुनावमा आ आफ्नो पार्टीमै बसेर मत फेर्न घण्टीमै मतदान गर्न सफतै खुवाए । कसमै खुवाए उनले दल नफेरी भोट फेर्न वाचा कसम खुवाए । कति रोक्न रोक्छाँै रोक, अब नेपाली जनतालाई कसैले रोक्न सक्ने छैन उनले भने कपिलवस्तुले आज त्यो देखाएको छ ।

सभापति लामिछानेले कपिलवस्तुको खुला सभामा जनताले देखाएको यो उत्साहले अब धेरैले छटपटी हुने दाबी समेत गरे ।
देशले चिनेका नभए पनि रास्वपा सँग देशलाई चिनेका एक एक मान्छे रहेको भन्दै उनले देशको संसदलाई जनताका कुरा स्पष्ट राख्न सक्ने मान्छे रास्वपाबाट पुगेको उनले घण्टीको आवाज सदनमा पनि जोडदार बज्ने गरेको उनले बताए । उनले भने, यो शिर तमाम बा आमाहरुले आशिर्वाद दिएको शिर हो, कसैले छेदन गर्न खोज्दैमा केही असर पर्ने वाला छैन । हामी असल उमेद्धार लिएर आएका छौँ, अब घण्टी बजाउँछौँ,
अब देशमा कसैले भोको पेट बस्न नपरोस, कसैका छोराछोरी शिक्षाबाट बञ्चित हुन नपरोस, कसैले स्वास्थ्यका लागि उपचारबाट बञ्चित हुन नपरोस यही संकल्प लिएर हिडेका छौँ ।
हिजो, कांग्रेसले एमालेलाई, एमालेले कांग्रेसलाई वा माओवादीले कांग्रेस एमालेलाई गाली गरिरहन्थे आज सबै मिलेर रास्वपाको खेदो खनिरहेका छन् ।

घेराबन्दी र चरित्र हत्या गर्न खोजिएको छ त्यसको हिसाब अब नेपाली जनताले दिने उनले बताए । एउटा सामान्य संचारकर्मी र सामान्य मान्छेलाई सारा नेपालीको माया मिलेको छ, मलाई यति भन्दा केही चाहिएको छैन, अब यही पुँजीलाई जोगाएर आउँदो निर्वाचनमा रास्वपाको नेतृत्वको सरकार बनाउने छौँ र ३४ वर्ष सम्म देश कसरी कसले लुट्यो एक एक हिसाब लिने छौँ ।
नेपाली जनताले एउटा आशा देखेका छन्, एउटा सपना देखेका छन्, एउटा युग देखेका छन् । त्यो पुुरा गर्न हामी तयार छौँ ।
लुम्बिनी जस्तो पवित्र ठाउँलाई पनि लुकाउन पर्ने स्थिति आएको छ, आज किसानले दुधको मुल्य नपाएर दुध पोख्न परेको छ । जुन किसानले भोट दिएर पठायो, यही भुमिका कृषि मन्त्रीलाई थाहा छैन यहीका किसानको पिडा ।

एउटा गठबन्धन तोडेर अर्को गठनन्धन बनाएका प्रधानमन्त्रीले के गरिरहेका छन् आफूलाई थाह नभएको उनले बताए । सुनको फाइल खोल्दा आफ्ना साथीहरु नै सुनै सुनका पहेँला देखिने भन्दै उनले करोडौँको घोटालामा मन्त्रीहरुको नाम मुछिएको छ ।

यता फाइल खोल्दा सरकार ढल्छ, उता फाइल खोले पनि सरकार ढल्छ, प्रधानमन्त्री कता के गर्दै हुनुुहुन्छ, हैन मलाई यही गठबन्धन चाहिन्छ भन्दै हुनुहन्छ ?
उनले भने जबसम्म हामी राम्रो काम गर्छौ हाम्रो समर्थन गर्ने र गलत गर्दाका दिन हामीलाई कपिलवस्तु छिर्न नदिने हो । जनताले यसरी सोच्न पर्छ । घण्टी तब सम्म बजाउनुस् जब सम्म हामी इमानको राजनिति गर्छौ । कपिलवस्तुका जनतालाई दल बदल्ने नभई मन बदल्न उनले आग्रह गरे । आफ्नो अमूलय मत सुरक्षि राख्ने हो । उनले भने, जनता र जनताका मुद्दालाई केन्द्रमा राखेर आफ्नो अभिमत प्रयोग गर्ने हो ।

उनले आफुले दिएको कपिलवस्तुको क्याप्सुल अब चारवर्ष जोगाएर राख्न सक्नुहुन्छ भन्दै मैदानमा बसिरहेका जनता जुरुक्कै उठाए । उनले भने कतै हसिया हथौडाले बजाउला, कहि रुखको हाँगाले लाग्ला, सूर्यको तापले पोल्ला तर आज मैले भनेका कुरा एउटा क्याप्सुल सम्झिएर प्रयोग गर्नुहोला केही असर गर्ने छैन कुनै पनि तागतले ।

आफूलाई माया गर्ने देशभरीका जनतालाई भेट्न देशभर दौडिएको भन्दै उनले समाचारमा आउने हेडलाइन र आरोपले कहि पनि असर गर्दैन । म देशभरिका बाआमासँग शिर निहुराउन जानेको छु, तर कोठामा बसेर कसैले षड्यन्त्र गरेको भए त्यो भण्डाफोर पार्ने र त्यसको हिसाब पनि राख्न जानेको छु ।

हामी हाम्रो देशका युवालाई खाडीमा पठाएर मागी खाने देश होइन, हामी आफूलाई शौभाग्यसाली बनाउने देशका नागरिक हौँ । यो देशलाई एक पटक विकसित राष्ट बनाउन जे फाल्न पर्छ फालौँला, भ्रष्ट नेता फाल्न पनि फालौँला । मात्र एक पटक रास्वपालाई सरकार चलाउने मौका दिनुहोला । आँट हामीले गरिसकेका छौँ । हाम्रो हात नछोड्नुहोला
आधा काम सकियो, बाँकी आधा काम अब ८४ मा सक्ने हो । ढुक्क हुनुहोस् ।

हजारौँको भिडबाट बोलेको छु, कहि कतै केही पनि गल्ति गर्ने छैन । यसै गरी शीर ठाडो पारी हिड्ने छु र तपाईँको हातबाट यसरी नै फूल लिएर हिड्नृेछु । बस् एक पटक सदनभरी घण्टी बजाउने मान्छे लिएर जाऔँ, कपिलवस्तुबाट पनि घण्टी बजाउने मान्छे पठाउने छन् । यहीबाट अब सोविता जन्मिन्छन्, यहिबाट अब स्वणर्िम जन्मिन्छन्, यही बाट अब विराज जन्मिन्छन् । कपिलवस्तुका जनताले अब आफ्नो मत परिवर्तन गर्ने छन् ।

म यत्ति भन्न चाहन्छु, आफूले गल्ति गरेर पनि नेताहरुसँग हार गुहार गर्दे मलाई बचाइदिउ न भन्न कदापी जाने छैन । आज कपिलवस्तुमा देशलाई बचाउने बिउ रोपिएको र त्यो बिउ अब चार वर्ष सम्म जोगाएर राख्नुहोला, त्यो विरुवा म तारबार लगाउन आउँने छु, त्यसमा कसैले आँखा लगाउला, त्यो जोगाउनुहोला, म एउटा आशाको मलहम बोकेर जादैँ छु, र म फेरी आउँने छु, त्यो बिरुवा जोगाइएको छ वा छैन म आउने छु, जब सम्म आउने छु तब जम्म तपाई मलाई बेलाइरहनुहुने छ ।
जनता शक्तिशाली भएको देश कहिले पनि हार्न पर्दैन । अब जित्ने भोट हाल्ने हो, मलाई जिताउन होइन, घण्टीलाई जिताउन होइन, रास्वपालाई जिताउन होइन । देशलाई जिताउन भोट हाल्ने हो । स्वदेशमा अवसर नपाएर बिदेशमा पसिना बगाइरहेका ति दाजुभाइहरुका लागि भोट हाल्ने हो ।

उनले आउने चुनावमा कुनैपनि दललाई एक सिट पनि जित्न नदिने जिकिर समेत गरे । ‘‘कयौं बेथितिका चुनौतीहरु दिएका छन् । भ्रष्टाचारका फाइल खोल्ने भन्दै तर्सिएर बन्द गरेका छन् । तपाईंहरुको आवाज त्यति सुनिएन भनेर कहिलेकाहीँ केहीले भन्ने गर्नुहुन्छ । चर्को बोल्नुपर्छ भन्नुहुन्छ । के मा दिने, कति दरो बोल्ने, के भन्ने ? अब ठूलो स्वर गर्ने, दबाब दिने होइन, २०८४ मा एकैपटक बाइबाइ गर्ने, एउटा सिट पनि नदिने । एक सिट पनि नदिने हो, ख्याल गर्नुहोला’, सभापति लामिछानेले भने ।

पुराना दललाई मत दिएर जिताउनु भनेको फेरि भ्रष्टाचार र अनियमिततालाई प्रश्रय दिए सरह हुने उनको भनाइ छ ।

अन्तत उनले उपस्थित जनतालाई खुवाएको कसम वाचा कति कसिलो होला , कति जोगिएला त्यो भने हेर्न चुनावै कुर्नुपर्ने होला ?