समृत काफ्ले, कपिलवस्तु
राजपुर सामुदायिक सिकाई केन्द्र बुद्धभूमि ५ चौरीको आयोजनामा महिला आयआर्जन समुहका लागि एक दिवसिय तरकारी खेती तथा लेखा व्यबस्थापन तालिम सम्पन्न गरिएको छ । तालिममा बुद्धभूमि नगरपालिका कृषि शाखाका प्राविधिक छोेटेलाल कोहारले प्रशिक्षण प्रदान गर्नुभएको थियो । प्रशिक्षकले सहभागीहरुलाई तरकारी खेती, कृषिमा आधुनिकिकरण, तरकारीमा लाग्ने किरा, यसको न्युनिकरण तथा तरकारी लगाउने तरिका लगायत विविध बिषयमा प्रशिक्षण दिईएको थियो । साथै तालिममा समुहमा आवद्ध हुंदाका फाईदाबारे जानकारी गराईएको थियो ।
कार्यक्रमका प्रमुख अतिथि बुद्धभूमि ५ का वडाध्यक्ष रोम बहादुर थापाले यस्ता खालका तालिमले कृषकहरुको क्षमता अभिवृद्धिसंगै कृषि आत्मनिर्भरता हुने विश्वास व्यक्त गर्नुभयो ।
त्यस्तै विशिष्ठ अतिथि जग्गनदाता सुन्दर विक्रम सेनले तालिम सफलताको शुभकामना दिनुभएको थियो । संस्थाका अध्यक्ष सालिकराम सुवेदीको अध्यक्षता रहेको सामुदायिक परिचालक माघबा शर्माको सञ्चालमा सम्पन्न भएको हो ।
