सागर बेल्बासे, कपिलवस्तु
ब्रह्माकुमरी ईश्वरीय विश्व विद्यालय एवं राजयोग प्रशिक्षण केन्द्र जितपुर शाखाले यहि जेष्ठ १६ गते देखि २२ गते सम्म एक हप्ताको शिविर सम्पन्न भएको छ । एक हप्ता सम्म संचालित उक्त शिविरमा बाणगङ्गा १ र २ वडाका वडावासिको उत्साहजनक सहभागिता रहेको थियो । उक्त कार्यक्रम हरेक दिन बिहानको साढे ४ बजे देखि ७ बजे सम्म वाणगङ्गा नगरपालिका १ बैरिया, मायादेवी रिसोर्टमा संचालन गरिएको थियो ।
स्वस्थ एवं खुशियाली जीवन कसरी बनाउने, हरेक कुरालाइ सकारात्मक सोंचाइको माध्यममा कसरी परिमार्जन गर्ने भन्ने प्रमुख कुरालाई ध्यानमा राखी ज्ञान गुणका कुराहरू सिकाइएको थियो । गीत संगीतका साथमा शारीरिक रुपमा शुक्ष्म व्यायाम संगै मानिसहरुलाई सकारात्मक सोचाइको बिकास कसरी गर्ने, हामीले दैनिक आहार विहारमा के कस्ता कुराको ध्यान राख्ने, खानेकुरा के कसरी खाने हाम्रो शरीरलाई कसरी स्वस्थ र स्वच्छ राख्ने, हाम्रो परिवारमा कसरि खुशियाली परिवार बनाउने जस्ता दैनिक जिवनयापनका अत्यन्तै लाभदायक कुराहरुलाइ योग, ध्यान, विभिन्न खेल, नाटक, गीत संगित, गजल कविता, भजन र भिडियोको माध्यम बाट प्रत्यक्ष दृश्य अवलोकन गराइ एक हप्ते शिविर समापन गरिएको छ ।
समापन सत्रमा ब्रह्मकुमारी इश्वरिय विश्वबिद्यालय जितपुर सेन्टर प्रमुख राधिका दिदीको अध्यक्षता, योग प्रशिक्षक भक्ती पाण्डेको संचालनमा सेन्टरसंग आवद्ध धेरै दिदी, भाइहरुको उपस्थिति सहित एक हप्ते कोर्सको सुझाव र प्रतिक्रिया आदानप्रदान सहित कार्यक्रम संचालनमा एक हप्ताका लागि निशुल्क हल तथा प्रांगण उपलब्ध गराइदिनुभएका मायादेवी रिसोर्टका संचालक कृष्णहरि श्रेष्ठ र बिरेन्द्र श्रेष्ठलाई धन्यवाद सहित बिशेष सम्मान गरिएको थियो ।
एक हप्ता सम्म नियमित प्रमुख प्रशिक्षकको भुमिकामा अत्यन्तै मनमोहक र प्रभावकारी ढङ्गबाट नवीन पन्थिले प्रशिक्षण दिनुभएको थियो । कार्यक्रममा यस क्षेत्रका ब्यवसायी, शिक्षक, कर्मचारी, डाक्टर, संचारकर्मी, जेष्ठ नागरिक, पण्डित लगायत विभिन्न संघ संस्थामा आवद्द ब्याक्तिहरु सहित आम नागरिक को समेत अत्यन्तै रुचि पुर्वक स्वत स्फूर्त चाखलाग्दो ढङ्गको उल्लेखनीय उपस्थिति सहित कार्यक्रम समापन भएको प्रशिक्षक नवीन पन्थी र भक्ती पाण्डेले जानकारी गराउनु भएको छ । समापन सत्र सम्म पुरै कक्षामा सहभागी कर्ण तिवारी (कुमार), रामचन्द्र बेल्बासे, निर्मला कंडेल, स्वस्तिका बेल्बासे लगायतले मानव जिवनमा यो राजयोग प्रशिक्षण ले अत्यन्तै सकारात्मक उर्जा प्रदान गरेको प्रतिक्रिया दिनुभएको छ ।
समापन सत्रमै सहभागी बुद्दिसागर बेल्बासे ले गाजल र मुक्तक को प्रस्तुति सहित आयोजक, सहयोगी र सबै सहभागिलाइ धन्यवाद प्रकट गर्नुभएको थियो । कार्यक्रममा पतन्जली योग सेन्टरमा आवद्ध धेरै सदस्यको सहभागीता थियो भने कार्यक्रममा सहभागी सबैलाइ आशिर्वचन र प्रसाद सहित मानव जिवनमा बहुउपयोगी महामन्त्रका ब्रोसर हरु समेत प्रदान गरिएको थियो ।
कार्यक्रममा बितरण गरिएको प्रसादको लागि बुद्दिसागर बेल्बासे (श्री बेल्बासे ट्रेडर्स एन्ड मामा रनर ट्रेड) र ब्रोसर तथा फ्ल्याक्सका लागि रामचन्द्र बेल्बासे (देउराली फोटो स्टुडियो) को तर्फबाट आर्थिक सहभागिता जनाउनुभएको थियो । बिश्वबिद्यालयका अभिभावक तथा साहित्य र नाटक प्रशिक्षक धुर्व पन्थिले जानकारी दिनुभएको छ ।
ब्रह्मकुमारी इश्वरिय बिश्वबिद्धालय तथा राज योग प्रशिक्षण केन्द्रले गर्ने कार्यक्रममा कंही कतै फरक धार्मिक संस्था का रुपमा हल्ला चलाइएका घटनाहरुलाइ समेत प्रमुख प्रशिक्षक नवीन पन्थिले सातै दिनको सप्ताहमा सहभागी प्रकटेश्वर महादेव मन्दिर पिपराका पण्डित गुणनिधी ढुङ्गानासंग दैनिक रुपमै धार्मिक र आध्यात्मिक मान्यताका यथार्थ र कर्मकाण्डि चलनका बिषयमा प्रश्न उत्तर सहित सबै सहभागी लाई पुर्ण चित्रण सहित दिब्य ज्ञान प्रदान गरि यथार्थ प्रस्टाइदिन सफल भएको सहभागीहरुले जनाउनुभएको छ ।
बिश्वका करिब १४० देश आध्यात्मिक गैरसरकारी संस्थाको रुपमा दर्ता भै बाह्र हजार भन्दा बढी सेन्टर सन्चालनमा रहिरहेका शिव बाबको ज्वतिरस्वरुप र परमधाम लाई सबै धर्मले कुनै न कुनै हिसाबले अवलम्बन गरिराखेका ठोस मान्यतालाई यस संस्थाले परम आत्मा (परमेश्वर) शिव बाबा, परम धाम र ॐ शान्ती महामन्त्रका बिषयलाइ अत्यन्तै गहिरो तर सहज ढङ्गबाट प्रशिक्षित गराउदै आएकाले कोहि कुनै भ्रमबाट तरङ्गित नहुन पन्थीले आग्रह समेत गर्नुभएको छ ।
