२१ साउन, बुटवल ।
रुपन्देही क्रियासिल अग्रज पत्रकार चेतन पन्तको निधन भएको छ । पन्तको गयराति सिद्धार्थनगर नगरपालिका–६ स्थित आफ्नै निवासमा निधन भएको हो ।
६६ वर्षीय पन्त २ वर्षदेखि क्यान्सर रोगको उपचार गराइरहेकामा केही समयदेखि घरमै रहेका र आइतबार राति निधन भएको उनका सहोदार भाइ रवि पन्तले बताए ।
इमेज टेलिभिजन लगायतका सञ्चारमाध्यममा काम गरेका पन्त पछिल्ला वर्षहरुमा लुम्बिनीको प्रचारप्रसारमा लागेका थिए । उनले अमेरिका लगायत विभिन्न देशमा पुगेर लुम्बिनीका मायादेवी मन्दिर, अशोक स्तम्भ, शान्ति दीप लगायतका फोटो प्रदर्शन गर्दै प्रचार गर्ने गरेका थिए । स्वर्गीय पन्तका श्रीमती र दुई छोरा छन् ।
प्रकाशित : २०८१ श्रावण २१, सोमबार १३:४०
