हरि आचार्य, कपिलवस्तु
नागपञ्चमी पर्वको अवसरमा कपिलवस्तुको बाणगंगा नगरपालिकाले स्थानीय विदा दिएको छ । बाणगंगा नगरपालिकाका नगर प्रवक्ता बिष्णु प्रसाद पौडेलले नगरपालिकाको कार्यपालिका बैठकको निर्णय अनुसार सुचना प्रकाशन गरि भोलि नागपञ्चमीका दिन स्थानीय विदा दिईएको जानकारी दिनुभयो । प्रवक्ता पौडेलका अनुसार नगरपालिका क्षेत्रमा मनाइने नागपञ्चमी पर्वको अवसरमा बिदा दिइएको बताउनुभयो ।
उहाँले शुक्रबार नगर कार्यपालिकाको कार्यालय, वडा कार्यालय, स्वास्थ्य संस्थाहरु (अति आवश्यक सेवा बाहेक), शिक्षण संस्थाहरु तथा मातहतका सम्पूर्ण संस्थाहरुलाई स्थानीय बिदा दिइएको जानकारी दिनुभयो ।
यसै बिच बाणगंगाको यस आर्थिक बर्षको पहिलो कार्यपालिका बैठक बसेको छ । बैठकले चालु बर्षको स्वीकृत बजेट नीति, कार्यक्रम तथा बजेट कार्यान्वयनका लागि कार्ययोजना पास गर्नुका साथै नगरको बार्षिक दर रेट समेत पास गरिएको वडा नंं २ का वडाध्यक्ष तथा नगरका प्रवक्ता बिष्णु प्रसाद पौडेलले लुम्बिनी दर्पणलाई जानकारी दिनुभयो ।
