हरि आचार्य, कपिलवस्तु
कपिलवस्तुको बाणगंगा नगरपालिका वडा नं २ मा रहेको वडा स्तरीय युवा क्लबले कप्टैयामा रहेको श्री बज्योति आधारभूत विद्यालयलाई खेलकुद सामग्री प्रदान गरेको छ । विद्यार्थीहरुलाई शैक्षिकसंगै अतिरिक्ति क्रियाकलापमा पनि अगाढि बढाउने उद्देश्यले उक्त खेलकुद सामग्री प्रदान गरिएको वडा स्तरीय युवा क्लबका अध्यक्ष बिमल घिमिरेले जानकारी दिनुभएको छ । क्लवले भलिबल, ब्याडमिन्टन, फुटबल, क्रिकेट खेलका आवश्यक खेलकुदका सामग्री प्रदान गरेको हो ।
खेलकुद सामग्री पाएसंगै विद्यालय परिवारले खुसी व्यक्त गर्दै युवा क्लवलाई धन्यवाद ज्ञापनसंगै सम्मान पत्र प्रदान गरिएको थियो ।
कार्यक्रमममा बोल्दै वडा स्तरीय युवा क्लबका अध्यक्ष बिमल घिमिरेले वालवालिकाहरुलाई अध्यापनसंगै खेलकुद क्षेत्रमा अगाडि बढाउने उद्देश्यले सामग्री प्रदान गरिएको बताउनुभयो । अध्यक्ष घिमिरेले विगतबाटै विभिन्न विद्यालयमा सहयोग गर्दै आईरहेको र आगामी दिनमा पनि क्लवले यस्ता कार्यक्रम गर्दै जाने बताउनुभयो । उहाँले उपस्थितीका लागि विद्यालय प्रशासन, ब्यवस्थापन समिति प्रती धन्यवाद व्यक्त गर्नुभयो ।
कार्यक्रममा विद्यालय ब्यबस्थाप समितिका अध्यक्ष निशा चौधरी, प्रधानाध्यापक गंगा प्रसाद चौधरी लगायत विद्यालयका शिक्षक, कर्मचारी र युवा क्लवका पदाधिकारी तथा सदस्यहरुको उपस्थिती रहेको थियो ।
