हरि आचार्य, कपिलवस्तु
नेपाल खेलकुद महासंघ जिल्ला कमिटी कपिलबस्तुको आयोजनामा यहि असोज १८ गतेबाट सुरु भएको जिल्ला स्तरिय अन्तरपालिका ‘नकाउट क्रिकेट प्रतियोगिता’ मा पहिलो चरणका खेल सकिएका छन् । कपिलवस्तुका १० वटै पालिकाका टिम उपस्थिती रहेको प्रतियोगितामा पहिलो चरणका खेल सकिएसंगै अब सेमि फाईनल र फाईनल खेल बांकी रहेका छन् । यो संगै बाणगंगा नगरपालिका, कपिलवस्तु नगरपालिका, यशोधरा गाउँपालिका र विजयनगर गाउँपालिका सेमिफाईनलमा प्रवेश गरेका छन् । जसअन्तर्गत बाणगंगा र कपिलवस्तु बिच खेल हुने छ भने यशोधरा र विजयनगर बिच सेमिफाईनल प्रतिस्पर्धा हुने छ भने यी २ वटा खेलमा जित हाँसील गर्ने २ टोलि फाईनल प्रवेश गर्ने छन् । मौसममा सुधार आएसंगै खेलाडीहरुको समहमतिमा अबका खेल संचालन गरिने आयोजक नेपाल खेलकुद महासंघ जिल्ला कमिटी कपिलबस्तुका अध्यक्ष कमल क्षेत्रीले बताउनुभएको छ । उस अघि सेमिफाईनल र फाईनल खेल आज संचालन गर्ने योजना रहेको थियो गयरातीको बर्षाका कारण रद्ध गरिएको हो ।
उद्घाटन कार्यक्रमका प्रमुख अतिथि लुम्बिनी प्रदेश सांसद गिरधारीलाल न्यौपाने र कपिलवस्तु नगरपालिकाका नगर प्रमुख सुदिप पौडेलले संयुक्त रुपमा उद्घाटन गर्नुभएको थियो । कार्यक्रमलाई सम्बोधन गर्दै सांसद न्यौपानेले खेल अनुशासन, स्वास्थ्य र मित्रताको प्रतिक रहेको बताउनुभयो । नेकपा (एमाले) का केन्द्रिय सदस्य तथा कपिलवस्तु ईन्चार्ज समेत रहनुभएका न्यौपानेले कार्यक्रम आयोजक संगठनलाई धन्यवाद व्यक्त गर्नुभयो ।
त्यस्तै विशिष्ठ अतिथि कपिलवस्तु नगरपालिकाका प्रमुख सुदिप पौडेलले यस्ता खेलले युवाहरुमा बढ्दै गईरहेको लागु औषध दुवर््सनी सेवनको न्युनिकरण गर्न महत्वपुर्ण भुमिका रहेको बताउनुभयो । उहाँले खेल क्षेत्रको विकास र खेलाडीहरुको क्षमता विकासका लागि नगरपालिकाले प्राथमिकताका साथ काम गरिरहेको बताउनुभयो ।
उद्घाटन कार्यक्रममा नेकपा (एमाले) केन्द्रिय निर्वाचन आयोग सदस्य झबिलाल पोख्रेल, पार्टी प्रदेश कमिटी सदस्य खुम प्रसाद आचार्य, नेकपा (एमाले जिल्ला कमिटी कपिलवस्तुका अध्यक्ष बाबुराम खनाल, पार्टी कपिलवस्तु नगर कमिटी ईचार्ज सरिता आचार्य, जिल्ला कमिटी सदस्य तथा जिल्ला निर्वाचन विभाग उप प्रमुख भिष्मराज भुसाल, कपिलवस्तु नगर कमिटी अध्यक्ष श्याम प्रकाश प्रजापति, क्यान कपिलवस्तुका अध्यक्ष प्रकाश गैरे लगायत पदाधिकारी, आयोजक संगठनका पदाधिकारी तथा सदस्य, खेलाडी तथा खेलप्रेमीहरुको उपस्थिती रहेको प्रतियोगिताका संयोजक तथा आयोजक संगठनका उपाध्यक्ष सबिना आचार्यले बताउनुभयो । उद्घाटन कार्यक्रम आयोजक संगठनका सचिव मनु रसालीको सञ्चालनमा सम्पन्न भएको हो ।
संगठनले कपिलवस्तुका खेलाडीहरुको प्रतिभा प्रस्फुटनुंगै क्षमता विकास गरि राष्ट्रिय खेलाडीको रुपमा अगाडि बढाउने उद्देश्यले उक्त प्रतियोगिताको आयोजना गरेको नेपाल खेलकुद महासंघ जिल्ला कमिटी कपिलबस्तुका अध्यक्ष कमल क्षेत्रीले बताउनुभएको छ । प्रतियोगिताको विजेता टिमलाई पुरस्कार नगद रु ४० हजार र उपविजेता टिमलाई पुरस्कार नगद रु २० हजार सहित शिल्ड, मेडल र प्रमाण पत्र प्रदान गरिने छ सहभागी सबै टिमहरुलाई प्रमाण पत्र प्रदान गरिएको छ । त्यस्तै उत्कृष्ट प्रदर्शन गर्ने खेलाडीहरुलाई अन्य विभिन्न विधाका पुरस्कार समेत प्रदान गरिनेछ ।
