हरि आचार्य, कपिलवस्तु
नेपाल खेलकुद महासंघ जिल्ला कमिटी कपिलबस्तुको आयोजनामा सुरु भएको जिल्ला स्तरिय अन्तरपालिका ‘नकाउट क्रिकेट प्रतियोगिता’ का सेमिफाईनल र फाईनल खेल क्रमशः भोलि अर्थात असोज ३० गते र कात्तिक ३ गते हुने भएका छन् । कपिलवस्तुका १० वटै पालिकाका टिम सहभागि रहेको प्रतियोगितामा पहिलो चरणका खेल सकिएलगत्तै बर्षाका कारण रोकिएका सेमि फाईनल र फाईनल खेल अब हुने भएका हुन् । यो संगै बाणगंगा नगरपालिका, कपिलवस्तु नगरपालिका, यशोधरा गाउँपालिका र विजयनगर गाउँपालिका सेमिफाईनलमा प्रवेश गरेका छन् ।
जसअन्तर्गत बाणगंगा र कपिलवस्तु तथा यशोधरा र विजयनगर बिच भोलि सेमिफाईनल खेल प्रतिस्पर्धा हुने छ भने यी २ वटा खेलमा जित हाँसील गर्ने २ टोलिको फाईनल खेल कात्तिक ३ गते हुने आयोजक नेपाल खेलकुद महासंघ जिल्ला कमिटी कपिलबस्तुका अध्यक्ष कमल क्षेत्रीले बताउनुभएको छ । यस अघि सेमिफाईनल र फाईनल खेल संचालन गर्ने योजना रहे पनि बर्षाका कारण रद्ध गरिएको हो । प्रतियोगिताको विजेता टिमलाई पुरस्कार नगद रु ४० हजार र उपविजेता टिमलाई पुरस्कार नगद रु २० हजार सहित शिल्ड, मेडल र प्रमाण पत्र प्रदान गरिने छ सहभागी सबै टिमहरुलाई प्रमाण पत्र प्रदान गरिएको छ । त्यस्तै उत्कृष्ट प्रदर्शन गर्ने खेलाडीहरुलाई अन्य विभिन्न विधाका पुरस्कार समेत प्रदान गरिनेछ ।
त्यस्तै फाईनल खेलसंगै कात्तिक ३ गते अन्तरपालिका जिल्ला स्तरिय महिला÷पुरुष डोरीतान प्रतियोगिता आयोजना गरिने भएको छ । उक्त डोरीतान प्रतियोगितामा जिल्लाका १० वटै पालिकाका टिमको सहभागिता रहने आयोजकले बताएको छ । डोरीतान प्रतियोगिताको विजेतालाई नगद रु १० हजार, शिल्ड मेडल प्रमाण पत्र र उपविजेतलाई नगद रु ७ हजार शिल्ड मेडल प्रमाण पत्र प्रदान गरिने छ भने सहभागी सम्पुर्ण टिमलाई सहभागी प्रमाण पत्र दिईने छ ।
संगठनले कपिलवस्तुका खेलाडीहरुको प्रतिभा प्रस्फुटनुंगै क्षमता विकास गरि राष्ट्रिय खेलाडीको रुपमा अगाडि बढाउने उद्देश्यले उक्त खेलहरु आयोजना गरेको नेपाल खेलकुद महासंघ जिल्ला कमिटी कपिलबस्तुका अध्यक्ष कमल क्षेत्रीले बताउनुभएको छ । नेपाल खेलकुद महासंघ कपिलवस्तुको अध्यक्षमा कमल क्षेत्री आएसंगै वार्षिक कार्ययोजना अनुसार खेलकुदका कार्यक्रम सम्पन्न भईरहेका सोहि क्रममा यी २ खेल आयोजना गरिएको हो । खेलकुद महासंघले यसरि योजनावद्ध तरिकारले खेलकुदका कार्यक्रम अगाडि बढाएको यो पहिलो रहेको नेताहरुले बताएका छन् ।
