लुदस, कपिलवस्तु
कपिलवस्तुको बाणगङगाामा मालपोत र नापी कार्यलयको सेवा माघको अन्तिम हप्ता बाट शुरु हुने भएको छ । नेपाल सरकारका भूमि व्यवस्था, सहकारी तथा गरिबी निवारण मन्त्री बलराम अधिकारीले बाणगंगामा मालपोत र नापी कार्यलय स्थापनाको तयारी अबलोकन गर्दै यस्तो बताउनु भएको हो ।
सो अबसरमा बाणगङगाका मेयर चक्रपानी अर्यालले भवनमा पार्टेशनको काम भैरहेको र यो सकिन अझै कम्तिमा १५ दिन लाग्ने बताउनु भयो । काम सकिनासाथ उद्घाटन गर्न मिल्ने अर्यालले बताउनु भयो । स्थलगत अबलोकनमा मन्त्री अधिकारीका साथ पुग्नु भएका कपिलवस्तुका प्रमुख जिल्ला अधिकारी बिश्व अर्यालले सो क्षेत्रमा सुरक्षा प्रबन्धक मिलाउन आफ्नो अग्रसरता रहने बताउनु भयो ।
मालपोत कार्यलय तौलिहवाका प्रमुख दुबिन्द्र बस्याल र नापी कार्यालय तौलिहवाका प्रमुख जनक भण्डारीले सरकारले जनतालाइ सुबिधा पु¥याउन गरेको निर्णय कार्यान्वयन गर्न आफुहरु आतुर रहेको जानकारी दिनु भयो ।
मन्त्री अधिकारी सहितको स्थलगत अवलोकनकमा लुम्बिनी प्रदेशका सांसद तथा प्रदेश सभा विशेषाधिकार समिति सभापति गिरीधारलाल न्यौपाने, भुमि समस्या समाधान आयोग कपिलवस्तुका अध्यक्ष झबिलाल पोख्रेल एमाले कपिलवस्तुका अध्यक्ष बाबुराम खनाल, भूमि व्यवस्था, सहकारी तथा गरिबी निवारण मन्त्री अधिकारीका प्रमुख स्वकीय सचीव भेषराज पाण्डे बाणगङ्गा ८ का अध्यक्ष बाबुराम अर्याल ७ का अयक्ष बिष्णु गिरी सहित स्थानीय वडाका सरोकारवालाहरु एवम् अगुवाहरुको उपस्थिति रहेको थियो ।
