लुदस, कपिलवस्तु
हिन्दूहरुको महान पर्व महाशिवरात्रिको अवसरमा शिवको पूजा आराधना गरी देशभर मनाइएको छ । हिन्दू धर्मावलम्बीहरु आज बुधवार विहानैदेखि नदी, कुण्ड, तलाउमा स्नान गरी विभिन्न मन्दिर, शिवालयहरुमा गई भक्तिपूर्वक पूजा आराधना गरेका छन् । महाशिवरात्रिको अवसरमा कपिलवस्तुको विभिन्न स्थानका शिवालयहरुमा बिहानैदेखि दर्शनार्थीहरुको भीडभाड लागेको छ ।
कपिलवस्तु जिल्लाको पश्चिमोत्तर किनारको अग्लो चुरे पहाडको टाकुरामा अवस्थित शिवगढी मन्दिरमा दर्शनार्थीको भीडलागेको छ । टाढा टाढाका भक्तजनहरु दुई तीन दिन अघिदेखि नै आउने क्रम जारी रहेको बताएको छ । आफूले चिताएको माग पुग्ने जनविश्वास अनुसार महाशिवरात्रिका दिन उक्त स्थानमा दर्शनार्थीहरुको भीड लाग्ने गरेको पाईन्छ । पौराणिक धार्मिक स्थल शिवगढीमा सतिदेवीको जिब्रो खसेको किमदन्ती छ । उक्त स्थानमा दर्शन गर्नका लागि कपिलवस्तु लगायत दाङ, अर्घाखा“ची, गुल्मी, प्यूठान, रोल्पा तथा भारतसम्मका दर्शालु भक्तजनहरु दर्शन गर्न आएको मन्दिर व्यवस्थापन समितिका अध्यक्ष दिनेश पुनले बताएका छन् ।
त्यस्तै जिल्लाको धानखोला मन्दिरमा समेत दर्शनार्थीहरुको निकै घुइंचो लागेको छ । तीन जिल्ला (कपिलवस्तु, दाङ र अर्घाखांची) को संगम स्थल रहेको धानखोला शिवगढी जाने प्रवेशद्वार समेत भएकोले पनि अन्य वर्षको तुलनामा धानखोलामा पूजा आराधना गर्नेको निकै घुइंचो लागेको मन्दिर व्यवस्थापन समिति ले बताएको छ । भने आज उक्त स्थानमा महा शिवरात्री मेला तथा नवौविविध सांस्कृतिक कार्यक्रम समेत संन्चलन गरिएको छ । साथै टाढा टाढाका आएका भक्तजनहका लागी भन्डारा समेत संन्चलन गरिएको बताएको छ । यसका अतिरिक्त महाशिवरात्रिका दिन आज बिहानैदेखि कपिलवस्तुका तौलेश्वरनाम मन्दिर, मा भक्तजनको घुइँचो छ । महाशिवरात्रिमा भगवान शिवको पूजाआजा गर्न तौलिहवास्थित तौलेश्वरनाथ महादेव मन्दिरमा भक्तजनको घुइँचो लागेको छ । दर्शनार्थी पुजा गर्नका लागि बिहान ३ बजे देखि लाइनमा बसेको बताएको छ ।
यसैगरी वाणगंगा नदीको रामघाटमा स्नान गरी पूजाआजा गर्न श्रद्धालु भक्तजन तौलेश्वरनाथ महादेवको मन्दिरमा लामो लाइन लागेका छन् । मन्दिर परिसरमा मुण्डन गर्ने, कथा सुन्ने र धार्मिक गतिविधि गर्नेको पनि उत्तिकै भीड छ । भने कपिलवस्तुका रमवादह, हथौसा, पिपरा, वनगाई वाणगंगा, राम दत्तिवन लगायत का शिवालय मन्दिरहरुमा दर्शनार्थीहरुको निकै घुइचो बढेको छ ।
महाशिवरात्रिका दिन भक्तजनहरुलाई दर्शन गर्न सजिलोका लागि विभिन्न शिवालय मन्दिर, व्यवस्थापन समितिले स्वयंसेवकहरु परिचालन गरेका छन् । भने कुनै किसिमको अप्रिय घटना नहोस् भनी सुरक्षाकर्मीहरु समेत हिज मंलवार सांझदेखि खटाएको कपिलबस्तु प्रहरी नायव उपरीक्षक मोहन मणि अधिकारी ले बताएको छन् । यी विभिन्न धार्मिक तीर्थस्थलमा हजारौंको संख्यामा भक्तजनहरु जलार्पण गर्दै पूजा आराधना गरेका छन् ।
यसैबिच यता कपिलवस्तु जिल्लाको विजयनगर गाउँपालिका वडा नं ४ मा रहेको प्रहरी चौकी पत्थरदेइयामा नव निर्मित दुर्गा भवानीको मन्दिर आज जिल्ला प्रहरी कार्यालय कपिलवस्तुका प्रहरी उपरीक्षक निरन्जन दत्त भट्ट द्वारा समुद्घाटन गरिएको छ । कार्यक्रममा स्वागत मन्तव्य राख्दै इलाका प्रहरी कार्यालय गणेशपुरका प्रहरी निरिक्षक हर्ष बहादुर चन्दले उपस्थित सम्पूर्ण लाई स्वागत गर्दै प्रहरी संग हातेमालो गरेर मन्दिर निर्माणमा सहयोग गर्नु भएका सम्पूर्ण प्रति हार्दिक कृतज्ञता व्यक्त गर्दै प्रहरीले सामाजको सुरक्षाका साथ साथै सामाजिक, सांस्कृतिक धार्मिक सहिष्णुता कायम राख्नमा समेत प्रहरी हरू सधै तत्पर रहने बताए ।
कार्यक्रममा बोल्दै कार्यक्रमका प्रमुख अतिथि लुम्बिनी प्रदेश सभा सदस्य जानकी प्रसाद यादवले निकै प्रयास पछि आज मन्दिरले पूर्णता पाएको प्रति सम्पूर्ण सहयोगी हरूलाई धन्यवाद व्यक्त गर्दै स्थानीयका लागि समेत पूजा पाठ गर्न सजिलो हुने बताए । कार्यक्रममा बोल्दै विशिष्ट अतिथि विजयनगर गाउँपालिका अध्यक्ष गोपाल बहादुर थापाले दुर्गा भवानीको मन्दिर निर्माणमा हातेमालो गर्नुभएका सम्पूर्ण लाई धन्यवाद दिदै प्रहरी चौकीको मर्मत सम्भारका लागि बजेट छुट्याउने बताए । कार्यक्रममा बोल्दै प्रहरी उपरीक्षक भटृले मन्दिर निर्माणमा स्थानीय व्यक्ति हरूको हातेमालो रहेको बताउदै सम्पूर्ण सहयोगी हात हरूलाई धन्यवाद दिनुभयो ।
दुर्गा भवानीको मन्दिर निर्माणमा सहयोग गरेका लाई सम्मान समेत गरिएको थियो। इलाका प्रहरी कार्यालय गणेशपुरका प्रहरी निरिक्षक हर्ष बहादुर चन्द तथा प्रहरी चौकी पत्थरदेइयाका सहायक प्रहरी निरिक्षक मनिराम यादवको कार्यकालमा समुद्घाटन कार्यक्रम सम्पन्न भएको थियो । कार्यक्रममा राम नरेश पुरी, रबि पाण्डेय लगायत स्थानीय भद्र भलादमी हरूको बाक्लो उपस्थित रहेको थियो। इलाका प्रहरी कार्यालय गणेशपुरकी प्रहरी सहायक निरिक्षक सृजना पुरीले कार्यक्रम संचालन गर्नुभयो ।
