तिलोत्तमा नगरपालिकाको मेनचोक शंकरपुरमा एक बिशेष कार्यक्रमको लागि मानिसहरु जम्मा हुँदै थिए।‘सहयोगापेक्षी सडकआश्रित मानवमुक्त’ घोषणा गर्ने कार्यक्रमको लागि ओराभात र्यालीमा जुटिरहेका मानिसहरुको बाक्लो उपस्थितिका बीच नगर प्रहरी नरप्रसाद श्रेष्ठलाई ९८४७३१८१९९ मा फोन आयो। तिलोत्तमा(४ स्थित ड्राइभरटोल चोकबाट आएको फोन अरु कसैको लागि नभएर एक नग्न अवस्थामा बाटोमा हिडिरहेका नरेश गिरीको उद्धारको लागि थियो। यताको कार्यक्रमको तामझाम छोडेर नगर प्रहरीको एक जत्था सोही ठाउ तिर गाडी लिएर गए। त्यसपछि भयो ३४ बर्षीय गुल्मीका नरेशको उद्धार।
नगरप्रहरीको टिमले नरेशको उद्धार गरेर मानवसेवा आश्रम मोक्षधाममा पुर्याए। तथापि सबैतिर म्यासेज फलो गर्यो अनि सामाजिक संजालमा समेत उनको तस्बीर राखियो। नभन्दै केहि छिनमा पारिवारिक स्रोतले गुल्मीबाट फोन गरेर अहिले सो व्यक्ति लिन गुल्मीबाट घरपरिवार आउदै छन्।यस्तै अवस्थालाई मध्येनजर गर्दै जसको कोहि छैन , त्यस्ता सडकमा आउने व्यक्तिलाई सडक बाट मुक्त बनाउने अभियानको घोषणा तिलोत्तमाले आज गरेको छ।
मानवसेवा आश्रमको सहकार्यमा रूपन्देहीको तिलोत्तमा नगरपालिका ‘सहयोगापेक्षी सडकआश्रित मानवमुक्त’ घोषणा भएको छ । आश्रमको मिसन २०८२ अभियान अन्तरगत यो पहिलो ऐतिहासिक घोषणा हो । २०८२ सालभित्र स्थानीय तह हुँदै सबै प्रदेश र यही वर्षको अन्तसम्ममा मुलुकलाई नै ‘सहयोगापेक्षी सडकआश्रित मानवमुक्त’ घोषणा गर्ने तयारी रहेको आश्रमका केन्द्रीय अध्यक्ष रामजी अधिकारीले बताउनुभयो । मंगलबार लुम्बिनी प्रदेश सरकारका सामाजिक विकास मन्त्री जनमनजय तिमिल्सिनाका साथै तिलोत्तमा नगरपालिकाका नगर प्रमुख रामकृष्ण खाण, उपप्रमुख जागेश्वर देवी चौधरी, प्रमुख प्रशासकीय अधिकृत नारायण अर्याल, वडा अध्यक्ष, कार्यपालिका सदस्यहरु, सबै जनप्रतिनिधिहरू, विभिन्न राजनैतिक दलका प्रतिनिधिहरू र सरोकारवाला संघ संस्था एबम सरकारी निकायहरूको उपस्थितिमा तिलोत्तमा नगरपालिकालाई ‘सहयोगापेक्षी सडकआश्रित मानवमुक्त’ घोषणा गरिएसँगै अब तिलोत्तमा नगरपालिकामा कोही पनि बेसहारा बेवारिसे, अशक्त र अनाथ भई बस्नु पर्ने अवस्थाको अन्त्य भएको छ ।घोषणाका क्रममा तिलोत्तमा नगरपालिकाका नगर प्रमुख रामकृष्ण खाणले घोषणापत्र पढेर सुनाउनु भएपछि उक्त घोषणापत्र मानवसेवा आश्रमका अध्यक्ष अधिकारीलाई हस्तान्तरण गर्नुभएको थियो । मानवसेवा आश्रमले कोही पनि मानिस बेवारिसे भएर सडकमा जीवन बिताउन नपरोस् भन्ने उद्देश्यले १३ वर्षअघि देखि सहयोगापेक्षी सडकआश्रित मानवहरूका लागि उपचार र उपचारपछि खाना, नाना, छाना, स्वास्थ्य र शिक्षाको व्यवस्थापन गर्दै आएको छ भने तिलोत्तमा नगरपालिकाले आफ्नो बजेट नीति तथा कार्यक्रम मै राखेर सडक मानवका लागि व्यवस्थापन गर्ने निर्णय गरेको छ।