हरि आचार्य, कपिलवस्तु
सामुदायिक विद्यालय तर्फ उत्कृष्ट शैक्षिक गुणस्तर कायम गर्न सफल ओदारी माध्यमिक विद्यालयले हालै सार्वजनिक कक्षा १२ को नतिजामा चम्किलो नतिजा प्राप्त गरेको छ । कपिलवस्तुको बाणगंगा नगरपालिका वडा नं. ११ ओदारी स्थित उक्त विद्यालयले नगरपालिका भित्र सामुदायिक विद्यालय मध्ये सबै भन्दा धेरै प्रतिशत विद्यार्थी उतीर्ण गराउन सफल भएको छ । परिक्षामा सहभागी विद्यार्थीहरु २६ जना मध्ये ६१.५४ प्रतिशत विद्यार्थी उतीर्ण गराउन सफल भएको विद्यालयका प्रधानाध्यापक मिना कुमारी चौधरीले लुम्बिनी दर्पणलाई बताउनुभयो ।
उक्त विद्यालयका कलेजका छात्रा अस्मिता पौडेलले ३.३० जिपिए प्राप्त गर्दै विद्यालयका् शैक्षिक यात्रामा योगदान गरेकी छन् ।
यस अघि पनि विभिन्न नतिजामा ओदारी माध्यमिक विद्यालय उत्कृष्ट हुंदै आएको छ ।
विद्यालयका प्रधानाध्यापक मिना कुमारी चौधरीले उत्कृष्ट नतिजा ल्याउने छात्र छात्राहरुलाई बधाई ज्ञापन गर्दै उत्कृष्ट नतिजा ल्याउन अहोरात्र खट्नुहुने शिक्षक कर्मचारीहरुलाई धन्यावद ज्ञापन गर्नुभएको छ । साथै शैक्षिक गुणस्तरका लागि विद्यालय प्रशासन लागिपरेको बताउनुभयो ।
साथै उतीर्ण विद्यार्थीहरुलाई विद्यालयले एक कार्यक्रमको आयोजना गरि हार्दिक बधाई ज्ञापन गर्दै सम्मान समेत गरेको छ ।
