हरि आचार्य, कपिलवस्तु
आई.एस.ओ.तथा आई.एस.ए.मान्यता प्राप्त कपिलवस्तुको बाणगंगा नगरपालिका वडा नंं. २ पिपरा स्थित क वर्गको विद्यालय हिलबर्ट ईङ्गलीश बोर्डिङ्ग स्कुलले १६ औं स्थापना दिवस मनाउने भएको छ । उपचाराका लागि आर्थिक सहयोग, खेलकुद लगायत अतिरिक्त क्रियाकलापमा समेत अग्रणी स्थानमा रहेको उक्त स्कुलले फागुन ५ गते १६ औं स्थापना दिवसको अवसरमा अभिभावक दिवस भव्य रुपमा मनाउने तयारी गरेको स्कुलका प्रबन्ध निर्देशक बुद्धिराम पौडेलले लुम्बिनी दर्पणलाई जानकारी दिनुभयो ।

स्कुलले अभिभावक, विद्यार्थीहरू र सम्मानित अतिथिहरूलाई निमन्त्रणा गर्दै विद्यार्थीहरूले दशकौंको सिकाइ, वृद्धि र एकताको उत्सव मनाउँदै जीवन्त सांस्कृतिक प्रदर्शनहरू मार्फत आफ्नो प्रतिभा प्रदर्शन गर्दा सम्पुर्णको उपस्थितिले यो कोसेढुङ्गालाई अझ अविस्मरणीय बनाउने अपेक्षा व्यक्त गरेको छ ।