सिसन अधिकारी
कक्षा ९, ( श्री कान्ति मा.बि.,बुटवल )
कापीका पानामा सपना कोर्ने,
आँखाभरि भविष्य बोकेर हिँड्ने ।
सानो झोलाभित्र ठूलो संसार,
विद्यार्थी जीवन साँच्चै सुन्दर आधार ।।
बिहानीको चिसो हावासँगै
विद्यालयतिर पाइला बढ्छन्,
मनभित्र हजारौँ चाहना
बिस्तारै – बिस्तारै आकार लिन्छन् ।।
कहिले हाँसो, कहिले आँसु,
कहिले हार, कहिले जित ।
यही यात्राले सिकाउँछ आखिर—
संघर्षपछि आउँछ सफलताको गीत ।।
साथीहरू केवल नाम होइनन्,
जीवनभरका सम्झना हुन् ।
कक्षा कोठाका रमाइला पल
मनभित्र सधैँ अमर रहन्छन् ।।
शिक्षकका अमूल्य शब्दहरू
दीपझैँ बाटो देखाउँछन्,
अन्धकारभित्र अल्झिएको मनलाई
उज्यालोतर्फ डोर्याउँछन् ।।
विद्यार्थी जीवन फूलजस्तै कोमल,
तर पहाडजस्तै अडिग हुनुपर्छ ।
सपनालाई छुन चाहनेले
मेहनतसँग मित्रता गर्नुपर्छ ।।
आजका यी संघर्षका दिन
भोलिका गौरव बन्नेछन्,
कापीमा लेखिएका अक्षरहरू
एकदिन इतिहास बन्नेछन् ।।
