लुदस, बुद्धभुमि
पछिल्लो समय कपिलवस्तुमा कोरोना संक्रमितको संख्या बढ्न थालेको छ । कपिलवस्तुमा थप १० जनामा कोरोना भाइरस संक्रमण पुष्टि भएको छ । यससँगै नेपालमा कोरोना संक्रमित व्यक्तिहरुको संख्या १२० पुगेको स्वास्थ्य तथा जनसंख्या मन्त्रालयले जनाएको छ ।

१० मध्ये बुद्धभूमी नगरपालिका २ र अरु सबै यशोधरा गाँउपालिका बताईएको छ । बुद्धभूमीका स्वास्थ्य प्रमुख डोल विक्रम बेल्वासेले २ जनामा कोरोना भएको वताए ।

उनीहरु बुद्धभूमीको मानपुर र धनकौलीका वसिन्दा हुन् । उनीहरु भारतवाट आएर बुद्धभूमीका स्थानीय क्वारेण्टाइनमा वसेका थिए । बुद्धभुमिको क्वारेन्टाईनमा २ सय १६ जना व्याक्ति रहेको जनाईएको छ ।

यससंगै उनिहरुले एउटै शौचालय र अव्यवस्थित व्यवस्थापनका कारण आफुहरु त्रसित भएको गुनासो गरेका छन् । यससंगै त्यहा कार्यरत स्वास्थ्यकर्मीले समेत जोखिम मोलेर काम गर्नुुपरेको बताए । कपिलवस्तुबाट १सय ९० जनाको स्वाव परिक्षणका टेकुमा पठाइएकोमा १० जना संक्रमित भेटिएका हुन् ।