हरि आचार्य, कपिलवस्तु
नेकपा एमाले केन्द्रिय कमिटी सदस्य तथा राष्ट्रिय सभा सदस्य विमला घिमिरेले अहिले एमाले पार्टीमा प्रवेश गर्नेहरुको लहर चलेको बताउनुभएका छ । नेकपा एमाले सरकारमा रहदा गरेको काम देखेर नै पार्टीमा प्रवेश गर्नेहरुको लहर चलेको बताउनुभएको हो । राष्ट्रिय युवा सघं नेपाल बाणगंगा नगरपालिका वडा नं ८ वडा स्तरिय युवा भेला तथा अधिवेशनमा प्रमुख अतिथीको रुपमा सम्बोधन गर्दै उहाले यस्तो बताउनुभएको हो ।
यस्तै लुम्बिनी प्रदेश सचिवालय सदस्य तथा कार्यालय सचिव बलराम अधिकारीले देशमा २० बर्ष सम्म हुन नसकेको विकास ओली सरकारले ३ बर्षमा पुरा गरेको बताउनुभयो ।
यस्तै कार्यक्रममा एमाले नेता तथा लुम्बिनी प्रदेश सांसद विष्णु पन्थीले बोल्दै एमालेले सामाजिक न्यायको सिद्धान्त, समाजबादको सिद्धान्त, मुलकको समृद्धिको सिद्धान्तलाई अंगिकार गर्दै अगाडी बढेकोबताउनुभयो ।
कार्यक्रममा एमाले जिल्ला सचिवालय सदस्य तथा युवा इन्र्चाज चक्रपाणी अर्याल, पार्टी सचिवालय सदस्य तथा एमाले नेता डम्मर शर्मा, राष्ट्रिय युवा संघ केन्द्रिय स्थायी कमिटी सदस्य गोपालमण ज्ञवाली , केन्द्रिय सदस्य तथा नगर कमिटी अध्यक्ष कमल क्षेत्री लगाएतले बोल्नु भएको कार्यक्रम नगर कमिटी सदस्य टंक प्रसाद पाण्डेको संचालनमा थियो ।
यसैविच कार्यक्रमको अवसरमा हेल्प फर हेप्पीनेश कपिलबस्तु, एन एस सी लगाउतका संस्थामा आबद्ध चारनम्बरका युवा निर्मल शर्मा नेकपा एमालेमा पार्टी प्रवेश गर्नुभएको छ । प्रदेश सांसद र नगर उपमेरले टिका तथा खादा ओढी पार्टी पार्टी प्रवेश गराउनुभएको थियो ।
यसैविच राष्ट्रिय युवा सघं वडा कमिटीको सम्पन्न वडा अधिवेशनले निर्मल गुरुङको अध्यक्षतामा ५ जनलाई पछि मनोनित गर्ने गरि ४७ सदस्यीय वडा कमिटी समेत गठन गरेको छ । जसको उपाध्यक्षमा केशव अधिकारी, सचिव श्रीधर न्यौपाने, सहसचिव विष्णु भुषाल, कोषाध्यक्ष धिरज विष्ट रहनु भएको छ भने अन्य सदस्यमा रहनु भएको छ । निर्वाचित पदाधिकारीलाई युवा संघका केन्द्रिय स्थायी कमिटी सदस्य गोपालमणी ज्ञवालीले सपथ ग्रहण गराउनुभएको छ ।
कार्यक्रममा २ सय बढि नेकपा एमालेका नेता तथा कार्यकर्ताहरुको उपस्थिती रहेको वडा ईन्चार्ज दिपक जिसिले लुम्बिनी दर्पणलाई जानकारी दिनुभएको छ ।
