रक्तदान जीवनदान भन्ने भनाईलाई आत्मसाथ गर्दै नियमित रक्तदाता संघ कपिलवस्तुले संविधान दिवसकाे पावन अवसरमा आज वृहत रक्तदान कार्यक्रम सम्पन्न गरेकाे छ ।
संघले समयसमयमा विशेष दिनहरूकाे अवसर पारेर नियमित रूपमा रक्तदान कार्यक्रम गर्दै आईरहेकाे थियाे । साेही कार्ययाेजनालाई कार्यान्वयन गर्दै आज पनि उल्लेख्य संख्यामा दाताहरूलाई सहभागी गराएर उत्सुकता पूर्वक कार्यक्रम सम्पन्न गरेकाे छ । लगभग ६०, ७० जना रक्तदानमा सहभागी हन सक्ने आकलनमा १०१ जनाकाे गाैरवमय सहभागीताले यस्ता मानविय कार्यक्रम गर्नमा आजकाे दिनले धेरै हाैसला पुर्याएकाे संघका अध्यक्ष माधव घिमिरेले बताउनुभयाे ।
मानव जिवनमा आईपर्ने कठिनाई मध्ये रगत अभाव अति संबेदनसिल विषय भएको भन्दै यसको लागि मद्धत पुग्ने हिसाबले यस संस्थाले निरन्तर जसो कुनैकुनै विशेष दिनको अवसर पारेर रगत संकलन गरिरहेको छ । रगत अभाव नहोस् भनि यस्ता कार्यक्रम समय अनुसार आयोजना गरिएको सस्थाले जनाएको छ । ६० पोईन्ट भन्दा बढी रगत संकलन गर्ने उदेश्य रहेकोमा उल्लेखनीय रुपले १०१ पोका रगत सङकलन भएको संस्थाका अध्यक्ष माधव घिमिरेले बताउनु भएको छ ।
चोक स्थित दिगो फार्मेसीमा आयोजना गरिएको कार्यक्रममा प्रमुख अतिथिको रुपमा वार्ड नम्बर ८ का अध्यक्ष गुणनिधी भुसाल बिशिस्ट अतिथिहरु नेपाल रेडक्रस सोसाइटी लुम्बिनी प्रदेश महासचिव लाल प्रसाद पङगेनी र सस्थाका केन्द्रीय उपाध्यक्ष लेखनाथ भण्डारी त्यसैगरी बुद्धिजीवी सर्कलका ब्याक्तित्वहरु हिमलाल पौडेल, टोपनारायण भण्डारी , हुमनाथ पौडेल, रबिराज आचार्य, प्रेमनारायण पौडेल राधेश्याम न्यौपाने बिस्नु मल्ल , कृष्ण न्यौपाने , गिरिराज पौडेल , बिष्णु गिरी , जगन्नाथ भण्डारी, प्रेम बिक , बिश्वास जिसी , बाबुराम भण्डारी लगायत सम्पुर्ण ब्याक्तित्वहरुको सहभागितामा रहेको कार्यक्रम सस्थाका अध्यक्ष माधब घिमिरेको अध्यक्षता, देबिलाल कंडेलको स्वागत र मिलन चालिसेको स्वागत मन्तव्यमा सम्पन्न भएको हो । कार्यक्रम रेडक्रस सोसाईटी बुटवलको प्रविधिक सहयोग रहेको थियो ।
