लुदअ काठमाडौं, जेठ १३
कोरोना निको हुनेको संख्या १७६ पुगेको छ । मंगलबार थप २१ जना निको भएसँगै नेपालमा कोरोना जित्नेको संख्या १ सय ७६ पुगेको हो । नारायणी अस्पताल कोरोना विषेश अस्थायी अस्पताल गण्डकको आइसोलेशनमा उपचाररत २१ जनाले कोरोना जितेका हुन् ।
अस्पतालका मेडिकल सुपरिटेन्डेन्ट मदन उपाध्यायले ४ महिलासहित २१ जनाले कोरोना जितेको बताए । उनीहरु सबै वीरगन्ज महानगरपालिकाको रहेको र मंगलबार राति डिस्चार्ज गरिएको उनको भनाइ छ । हालसम्म नेपालमा ७ सय ७२ जनामा कोरोना पुष्टि भएकोमा यो संख्यामा निको भएका हुन् ।
प्रकाशित : २०७७ जेष्ठ १४, बुधबार ९:३६
