लुदअ कपिलवस्तु
नेकपा एमालेको जनवर्गीय संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बाणगंगा नगरकमिटिको अध्यक्षमा सन्दिप न्यौपाने सर्बसम्मत रुपमा निर्वाचित हुनुभएको छ । अनेरास्ववियु बाणगंगा नगरको भेला तथा अधिबेशनबाट न्यौपानेको अध्यक्षतामा २५ सदस्यीय नगरकमटी सर्बसम्मत रुपमा निवार्चित भएको छ । जसको उपाध्यक्षमा शिशिर बेल्बासे, सचिवमा बिकास थापा, सह सचिवमा सरिता बेल्बासे, दुर्गेश कुमार चौधरी, मनिष पंगेनि, कोपाध्यक्षमा मनोज पोख्रेल चयन हुनुभएको छ भने अन्य बाँकी सदस्य पदमा सर्वसम्मत रुपमा चयन हुनुभएको छ ।
सम्पूर्ण नवनिर्वाचित पदाधिकारीहरुलाई अनेरास्ववियुका स्थायी कमिटिका सदस्य तथा लुम्बिनी प्रदेशका सह ईन्चार्ज टुकलाल गैरेले पद तथा गोपनियताको सपथ ग्रहण गराउनुभएको थियो । संगै नवनिर्वाचित कमिटिलाई सफल कार्यकालको शुभकामना दिदै पार्टीको र विद्यार्थी राजनीतिको बारेमा महत्त्वपूर्ण भनाइ राख्नुभएको छ ।
कार्यक्रमलाई सम्बोधन गर्दै प्रमुख अतिथि नेकपा एमाले प्रदेश सदस्य कृष्ण केशी, अनेरास्ववियुका स्थायी कमिटिका सदस्य टुकलाल गैरे, केन्द्रिय सचिवालय सदस्य लेखनाथ खनाल, एमाले बाणगंगा नगरका अध्यक्ष युवराज पोख्रेल, जिल्ला सदस्य बिश्व कार्कीले नवनिर्वाचित पदाधिकारीलाई बधाई दिदै विद्यार्थी राजनीति र समयसामयिक बिषयमा आफ्ना भनाइ राख्नुभएको थियो ।
उहाहरुले अनुशासन र ईमान्दारिताका साथ आफ्नो जिम्मेवारी र भूमिकालाई निभाउन सुझाब दिनुभयो । बिद्यार्थीहरुको हकअधिकारका लागि सधैब आवाज बुलन्द पार्नुपर्नेमा जोड दिदै समाजमा रचनात्मक र सिर्जनात्म क्रियाकलापलाई जोड्दै अघि बढ्न आग्रह गर्नुभयो ।
अनेरास्ववियुका जिल्ला सचिवालय सदस्य बिष्णु घिमिरेको अध्यक्षतामा भएको कार्यक्रममा अनेरास्ववियुका केन्द्रिय सदस्य एवम जिल्ला अध्यक्ष बाबुराम अर्याल, अनेरास्ववियुका जिल्ला सहसंयोजक दयाराम पौडेल, केन्द्रिय सदस्य ईन्दिरा पौडेल लगाएतको आतिथ्यता रहेको थियो ।
