६ मंसिर ।
करदाता र आन्तरीक राजस्व कार्यालयको संवन्ध नङ र मासुको जस्तो हुनुपर्नेमा एक कार्यक्रममा बक्ताहरुले जोड दिएका छन् । आज मणिग्राममा भएको दशौं राष्टिय कर दिवस तथा कर सप्ताह २०७८ को अवसरमा तिलोत्तमा चेम्वर्श अफ कमर्शको आयोजना र आन्तरिक राजश्व कार्यालय भैरहवाको समन्वयमा करदाता शिक्षा तथा अन्रकृया कार्यक्रममा बोल्दै प्रमुख अथिती तिलोत्तमा ५ का वडा अध्यक्ष चेतनारायण भण्डारीले कति उद्योग ब्यावसायिहरुले करको बारेमा नवुझ्दा जरिवना तिर्न परेका गुनासा सुन्न परेको स्मरण गर्दै यस्ता करदाता शिक्षाबाट त्यो समस्या अवका दिनमा भोग्नु नपर्नेमा आफु ढुक्क रहेको बताउनुभयो ।
कार्यक्रममा चेम्वर अफ कमर्शका पुर्व अध्यक्ष झविन्द्र प्रसाद कंडेलले व्यावसायीहरुले अनिवार्य तिर्नुपर्ने करका बारेमा स्पष्ट हुनुपर्ने भएकोले पनि यो कार्यक्रम प्रभावकारी बन्न सक्नेमा जोड दिनुभयो । कार्यक्रममा कर अधिकृत जगुलाल खरालले बजेटपछि आउने आर्थिक ऐनहरु ह्ेरेर, अध्ययन गरेर काम गर्नुपर्ने सुझाव दिनुभयो । सुर्तीजन्य पदार्थहरु थोरै हो केरे भनेर विक्री गरेको अनुगमनका क्रममा भेटियो भने छोडन मिल्दैन, त्यसैले पनि सानो ठुलो जस्तोसुकै ब्यावसाय पनि विना दर्ता नचलाउनुहोस् उहांले भन्नुभयो । त्यस्तै अर्का करअधिकृत रामहरी मरासिनीले पहुंचमा भएका ब्यावसायि भन्दा पनि साना भन्दा साना ब्यावसायिलाई कसरी माथि उठाउन सकिन्छ भनेर आन्तरीक राजस्वकार्यालयले अवको कार्ययोजना अगाडि सार्ने बताउनुभयो । तिलोत्तमा चेम्वर अफ कमर्शका कार्यबाहाक अध्यक्ष रामचन्द्र पाण्डेको अध्यक्षतामा भएको कार्यक्रममा पाण्डेले कार्यक्रमबारे प्रकाश पार्दै तिलोत्तमाका कोही पनि ब्यावसायिहरु करका विषयमा जानकारी नभएकै कारण जरिवानामा नपरुन भन्ने उद्धेश्यले कार्यक्रमको आयोजना गरिएको बताउनुभयो । तिलोत्तमा नगरपालिकाका ब्यावसायिहरुको प्रतिनिधिमुलक सहभागिता रहेको कार्यक्रममा ब्यावसायिहरुले करसम्वन्धि जिज्ञासाहरु राखेका थिए भने कर अधिकृत जगुलाल खरेल र रामहरी मरासिनीले सहजीकरण गर्नुभएको कार्यक्रमको संचालन संस्थाका माहासचिव बिष्णु बरालले गर्नुभएको थियो ।