हरि आचार्य, कपिलवस्तु
नेकपा एमालेको जनवर्गीय संगठन राष्ट्रिय युवा संघ नेपाल बाणगंगा नगर कमिटिले नगरका ११ वटै वडामा वडा कमिटि गठन गरेको छ । संघको नगर अधिवेशन पश्चात् वाणगंगा नगरपालिकामा संगठन विस्तार तिव्र रुपमा अघि बढाईएको हो । केही समयअघि नगरले नयाँ नेतृत्व चयन गरेसंगै राष्ट्रिय युवा संघ नेपाल संगठन विस्तारमा जुटेको हो । केन्द्रिय सदस्य समेत रहेका वाणगंगा नगर कमिटि अध्यक्ष कमल क्षेत्रीको नेतृत्वको नयाँ टिम आएसंगै छोटो समयमै सबै वडामा वडा कमिटि गठन गरिएको छ ।

राष्ट्रिय युवा संघ नेपालका केन्द्रिय सदस्य तथा नगर कमिटि अध्यक्ष कमल क्षेत्रीले जिल्लाका १० वटै स्थानीय तहभन्दा बाणगंगा नगर कमिटि तदारुकताका साथ लागेकाले सबै वडामा वडा कमिटि गठन सम्पन्न गरिएको बताउनुभयो । उहाँले पार्टीलाई मजबुद, बलियो र सबल बनाई संमृद्ध समाज निर्माणका लागि युवासंघको अहम भुमिका रहने समेत बताउनुभयो । पार्टीको तर्फबाट युवा जिल्ला सह–ईन्चार्ज समेत रहनुभएका क्षेत्रीले युवालाई जहाँ जे समस्या पर्छ पार्टीसंग समन्वय गरि त्यो समस्या समाधान गर्न आफू सदैव तयार रहने प्रतिवद्धता व्यक्त गर्नुभयो । उहाँले सफलतापुर्वक संगठन विस्तारमा सहयोग गर्नुहुने पार्टीका अग्रज नेता, युवा संघका सहयोद्धा, शुभचिन्तक तथा पार्टीमा आस्था राख्नुहुने सम्पुर्णलाई आभार प्रकट गर्नुभएको छ ।

भिडियो सहित

यता राष्ट्रिय युवा संघ नेपालका कपिलवस्तुका विजय कुंवरले जिल्लाका १० स्थानीय तहमध्ये बाणगंगा नगर कमिटिले ११ वटै वडामा सौहार्दपुर्ण बातावरणमा सर्वसम्मत रुपमा नेतृत्वय चयन गर्न सफल हुनुभएकोमा नगर कमिटि अध्यक्ष कमल क्षेत्रीलाई बधाई दिनुभएको छ । जिल्ला संयोजक कुवंरले सबै युवाहरुलाई समान व्यवहार गरि पार्टीको संगठनलाई विस्तार गर्नु प्रशंसनिय कार्य रहेकाले केन्द्रिय सदस्य समेत रहनुभएका क्षेत्रीलाई धन्यवाद ज्ञापन गर्दै पार्टीलाई थप बलियो बनाउन अहम भुमिका खेलेको बताउनुभयो ।

सोहि क्रममा बाणगंगा नगरपालिका वडा नं. १० मा पनि वडा कमिटि गरिएको छ । नगर कमिटिद्धारा आयोजित युवा भेला तथा अधिवेशनबाट बिष्णु मणि चौधरीको अध्यक्षतामा ८ जना पछि मनोनित गर्ने गरि २९ सदस्यीय वडा कमिटी गठन भएको छ । जसको उपाध्यक्षमा धर्म पन्थी, सचिवमा माधव गौतम, सह–सचिवमा दिपक थारु र राम नरेश थारु चयन हुनुभएको छ अन्य सदस्यमा रहनुभएको छ । नव निर्वाचित कमिटीलाई प्रमुख अतिथी राष्ट्रिय युवा संघ नेपालका केन्द्रिय सदस्य सरिता थारुले सपथ ग्रहण गराउनुभएको थियो ।

कार्यक्रमका प्रमुख अतिथि थारुले नव गठित कमिटिलाई हार्दिक बधाई ज्ञापन गर्दै पार्टीको विधान निर्देशन अनुसार अगाडि बढ्न आग्रह गर्नुभयो । उहाँले गरिव, निमुखा जनताको विकासका लागि नेकपा एमालेको विकल्प नरहेको बताउनुभयो । उहाँले अब युवाहरु संगठित उत्पादन कार्यमा जोडिएर पार्टीलाई मजबुत बनाउन आवश्यक रहेको बताउनुभयो ।

कार्यक्रमका विशिष्ट अतिथि एमाले जिल्ला सचिवालय सदस्य बिष्णु प्रसाद गौतमले युवाहरु संगठित भई पार्टीको लक्ष्य पुरा गर्नमा सहयोग गर्न आग्रह गर्नुभयो । एमालेको जनलहर देखेर अन्य पार्टी अत्तालिएकाले यस्तो बेला हामी सचेत भएर अगाडि बढ्नुपर्ने बताउनुभयो ।

कार्यक्रममा एमाले जिल्ला कमिटि सदस्य तथा वडा ईन्चार्ज यम प्रसाद पोख्रेल, वडा कमिटि अध्यक्ष शिवचरण सिंह थारु लगायतले देशको संमृद्धिका लागि एमालेको विकल्प नरहेको बताउनुभयो ।

राष्ट्रिय युवा संघ नेपालका नगर कमिटि सदस्य राजाराम थारुको अध्यक्षता, अनिश अधिकारीको स्वागत मन्तब्य तथा हरि आचार्यको सञ्चालनमा सम्पन्न कार्यक्रममा पार्टीका नेता तथा कार्यकर्ताहरुको उपस्थिती रहेको थियो ।