लुदस , जितपुर
कपिलबस्तुको कृष्णनगर नगरपालिकाका नगर प्रमुख रजत प्रताप शाह भोली अर्थात शनिबार नेपाली कांग्रेस पार्टी मा प्रबेश गर्ने जनाईएको छ ।
नगर प्रमुख शाहले आफ्नो फेशबुक वालमा सो कुराको जानकारी गराएका हुन् । स्वतन्त्रबाट चुनाव जितेका शाह यस अगाडी प्रचण्ड संग भेटेपछी माओवादीमा प्रवेश गर्ने चर्चा रहेको भएतापनी उनि मौन रहदै आएका थिए ।
उनि त्यस क्षेत्रका सांसद अभिषेक प्रताप शाह का काका हुन् । रजत प्रताप शाह लामो समय स्वतन्त्रबाट राजनिति गर्दै आएका थिए । उनि त्यस अगाडी उनि नेपाली कांग्रेस निकट तरुण दल को सदस्य रहेका थिए ।
पार्टी प्रवेश कार्यक्रममा नेपाली कांग्रेस प्रदेश सभापती अमरसिंह पुन प्रमुख अतिथिका रुपमा आउने कार्यक्रम रहेको र पुर्व सभापती सुरेन्द्रराज आचार्य ,सांसद शाह लगाएत को विशेष आतिथ्यता रहने सांसद ले लुम्बिनी दर्पणलाई बताए ।
उनले आफ्नो फेसवुक वालमा लेखेका छन् “मेरा प्यारा नगरबासी तथा नेपाली कांग्रेस पार्टीका वडा सभापति, नगरसभापति, क्षेत्रिय सभापति,भातृसंगठन, विभिन्न पदमा आसिन पदाधिकारी लगायत सम्पुर्ण क्रियाशील सदस्य ज्युहरुमा मेरो जय नेपाल अभिवादन टक्र्याउदै भोली मिती २०७८÷१०÷२२ गते दिन शनिबार बिहान १० बजे बहादुरगंज आफ्नै आवासमा म रजत प्रताप शाह र मेरा हजारौं समर्थक एवं शुभचिन्तक सहित देशको सबभन्दा ठुलो लोकतान्त्रिक पार्टी नेपाली कांग्रेसमा प्रवेश कार्यक्रम रहेकोले सम्मानित सबैमा उपस्थितको लागि हृदयदेखि निमन्त्रणा गर्दछु ” । उनले लेखेका छन् ।
