नुरमोहम्म्द खान
सुकुम्बासी टोलका बासिन्दाको मत लगाईफकाई गरि आ आफ्नो पक्षमा पार्न चुनावताका नेताहरुको दौडधुप गरिव विपन्न वर्गमा जान्छ ।
यस्तै पचेहरा चोकदेखी पुर्व कपिलवस्तु न.पा.११ बनगाई सुकुम्बासीटोलमा पर्ने हुडरहवा खोलाको पुलमा बजेट नपरे पछि पुरै गाउँ भेला भई १ सय ७७ जनाको हस्ताक्षरले धन बहादुर परियारको अध्यक्षतामा स्थानिय तथा प्रदेश सरकारमा बजेट पार्न दौडधुप सुरु गरेका छन ।

चुनावताका मत हत्याउनकै लागि यो पुल चुनावी नारा नबनेको पनी होईन् । राजनितिक दलका नेतादेखि स्वतन्त्रका नेता वडा अध्यक्ष सवैले पुल बनाईदिने आश्वासन दिदै मत त लगे तर फर्केर आएनन् पचेहरा सुकम्वासी टोलको गुनासो यस्तै हुने गरेको छ । स्थानिय तहको चुनाव भएको ५ वर्ष पुग्नै लाग्दा सम्म पनी कहि कतैबाट जीणर् पुल मर्मतका कसैको ध्यान पुग्न सकेको छैन् । माग सम्बोधन नभएपछि गाउँभेला गरी बजेट पार्न वडा नगरपालिका प्रदेश सरकार सम्म दौडिन थालेका छन ।

हरेक वर्ष टोल भेला गरी योजना माग्छन हामी यस टोलमा काठको पुल हटाई पक्की पुलको योजना पहिलो प्राथमिकता दिन्छौ तर न योजना पर्छ नत सुनवाई हुन्छ जुठी सुनारको भनाई छ
२५ मिटर लम्बाई रहेको पुलको निर्माणले शुद्धोधन १ प्रगतिनगर बाणगंगा ११ बनकटवा महुवावारी भुसाल टोलका वासीहरु यही बाटो हिडदै पचेहरा पुग्छन खुम प्रसाद थारु बताए ।
हाम्रो गाउँमा विरामी तथा सुत्केरीलाई कसरी अस्पताल लैजाने खोलामा काठको पुल छ यहाँ एम्बुलेन्स आउँदैन अचम्मको छ हाम्रो गाउँ स्थानिय सिमा रैदास बताउछिन ।
२०३१ साल देखी काठको पुल निर्माण गरी विद्यार्थी जेष्ठनागरिक किसान व्यापारी लगायतआवात जावतमा असहज रहेको र २०६७ सालदेखी गा.वि.स तथा जि.वि स सम्म हाम्रो माग लाई लिएर दौडिने भिम बहादुर सुनारले अगुवाइ गरेका थिए वहाको २०७७ असोज १३ गते स्वर्गवास पनि भयो कालगतिले तर माग पुरा भएन रनकुमारी सुनारले दुख व्यक्त गरेकी छन ।
कपिलवस्तु नगरपालिका वडा नं.११का वडा अध्यक्ष राम गोपाल यादवले सो पुल निर्माणको लागी यस आर्थिक वर्षमा वडा तथा न.पा बाट योजना नरहेको र भौतिक पुर्वाधार विकास मन्त्रालय बुटवलको नाममा सिफारसि दिएको बताएका छन ।