हरि आचार्य, कपिलवस्तु
नेकपा एमाले बाणगंगा नगरपालिका वडा नं. १ अन्तर्गत जितपुर टोल कमिटि गठन गरिएको छ । जिल्लाको मुख्य बजार क्षेत्र मानिने जितपुर टोल कमिटि गठन गरिएसंगै वडामा पार्टी थप बलियो हुने विश्वास गरिएको छ । प्रेम बहादुर विकको अध्यक्षतमा २३ सदस्यीय टोल कमिटि गठन गरिएको हो ।
टोल कमिटिको उपाध्यक्षमा भिमा पौडेल, सचिवमा अशोक विक, उप सचिवमा शुसिला पौडेल घिमिरे र बिनिता पौडेल आचार्य सर्वसम्मत चयन हुनुभएको छ भने अन्य सदस्यमा रहनुभएको छ ।
कार्यक्रमका प्रमुख अतिथि नेकपा (एमाले) बाणगंगा बाणगंगा नगरपालिका ईन्चार्ज शंकर पाण्डेले निर्वाचन नजिकिदै गर्दा पार्टीलाई शसक्त बनाउन टोल कमिटिको भुमिका अहम रहने बताउनुभयो । पार्टी जिल्ला कमिटि सचिवालय सदस्य समेत रहनुभएका पाण्डेले नवनिर्वाचित कमिटिको सफल कार्यकालको शुभकामना व्यक्त गर्नुभयो ।
विशिष्ट अतिथि नेकपा (एमाले) जिल्ला कमिटि सचिवालय सदस्य तथा संगठन विभाग सचिव देबी बहादुर पोख्रेलले एमालले नेतृत्व गरेका देशका पालिकाहरुमा विकासको लहर देखिएकाले अबको निर्वाचनमा सबै पालिकामा एमालेको नेतृत्व आवश्यक रहेको बताउनुभयो ।
एमाले जिल्ला कमिटि सदस्य तथा वडा नं. १ का अनुगमन तथा सहजकर्ता संयोजक अमित पौडेलले नवनिर्वाचित टोल कमिटिलाई सपथ ग्रहण गराउनुभएको थियो । कार्यक्रमका विशिष्ठ अथिति समेत रहनुभएका पौडेलले समाजका अरु व्यक्तिलाई पनि पार्टी प्रति आकर्ष गराउनुपर्नेमा जोड दिनुभयो ।
टोल कमिटिका अध्यक्ष प्रेम बहादुर विकले कमिटिलाई शसक्त रुपमा अगाडि बढाउने बताउँदै अध्यक्षमा चयन गर्न सहयोग गर्नुहुने सम्पुर्णलाई आभार व्यक्त गर्नुभयो ।
सुशिला पौडेल घिमिरेको स्वागत मन्तब्य तथा वडा कमिटि सदस्य बाबुराम कंडेलको सञ्चालनमा सम्पन्न कार्यक्रममा पार्टीका नेता तथा कार्यकर्ताहरुको उपस्थिती रहेको थियो ।
