हरि आचार्य, कपिलवस्तु
शैक्षिक क्षेत्रमा कपिलवस्तु जिल्लामै उत्कृष्ट नतिजा निकाल्न सफल लुम्बिनी लर्निङ्ग सेन्टर प्रा.लि.वाणगंगा कपिलवस्तुको आयोजनामा आज निःशुल्क जापनिज सेमिनार सम्पन्न भएको छ । विगतका जस्तै यस पटक पनि शत प्रतिशत सिओई खसाल्न सफल जिल्लामै उत्कृष्ट उक्त सेन्टरले जापान जान चाहाने विद्यार्थीहरुको मागलाई मध्यनजर गर्दै वृहत निःशुल्क सेमिनार सम्पन्न गरेको सेन्टरका प्रमुख असिम क्षेत्रीले बताएका छन् । साथै यस पटक सिओई प्राप्त गर्न सफल सम्पुर्ण प्रशिक्षार्थीहरुलाई मायाको चिनो सहित सम्मान गरिएको छ ।
विगत १० बर्ष देखि वैदेशिक अध्ययनमा जाने विद्यार्थीहरुलाई परामर्श दिंदै आएका परामर्शदाता राजेश पाण्डेले स्टुडेण्ट भिसा सम्बन्धि परामर्श दिएका थिए ।
कार्यक्रममा ३० जना अध्ययनका लागि जापान जाने विद्यार्थीहरुको उपस्थिती रहेको थियो भने कार्यक्रम कोरीयन भाषा विभाग प्रमुख मधुसुधन पाण्डेको स्वागत तथा जापनिज भाषा प्रशिक्षक डिल्लीराज सापकोटको सञ्चालनमा सम्पन्न भएको थियो ।
सिओई प्राप्त विद्यार्थी बिमल आचार्यले सम्मान गरेकोमा धन्यवाद व्यक्त गर्दैै सम्पुर्णलाई लुम्बिनी लर्निङ्मै अध्ययनका लागि आउन आवश्यक रहेको बताए । त्यस्तै शत प्रतिशत विद्यार्थीको सिओई प्राप्त गर्न सफल भएकाले आगामि दिनमा पनि निरन्तरता दिनेमा आफु विश्वस्त रहेको बताए ।
परामर्शदाता राजेश पाण्डेले अध्ययनका लागि जापान जाने बिद्यार्थीहरुलाई भाषा अध्ययन, कागजात तयार, निवेदन पठाउने कार्य, लाग्ने शुल्क लगायत सम्पुर्ण गतिविधिहरुबारे स्पष्ट रुपमा जानकारी गराएका थिए भने भने जापान पुगिसकेपछि हुने सम्पुर्ण क्रियाकलापको बारेमा प्रस्ट पारेका थिए ।
सेन्टरका प्रमुख क्षेत्रीले सेमिनारमा उत्साहपुर्वक विद्यार्थीहरुको उपस्थिती रहेकाले उनीहरुले आवश्यक ज्ञान हासिल गरेको विश्वास व्यक्त गरे । उनले लुम्बिनी लर्निङ्ग सेन्टरले अध्यापन गराएर शुल्क लिने काम मात्र नगर्ने भन्दै विद्यार्थीहरुको माग र आवश्यकतालाई मध्यनजर गर्दै अगाडि बढ्दै जाने बताए ।
विक्रम संवत २०७२ सालमा स्थापना गरिएको लुम्बिनी लर्निङ्ग सेन्टर प्रालिले कोरियन, जापनिज लगायत विभिन्न भाषा, लोक सेवा तथा शिक्षक सेवाका कक्षा, सम्पुर्ण लेवलका ट्युसन कक्षा, सबै कोर्षका कम्प्युटर कक्षा दक्ष एवम् अनुभवि प्रशिक्षकद्धारा पठनपाठन गराईरहेकोले नतिजा जिल्लामै उत्कृष्ट रहेको त्यहाँ अध्ययनरत विद्यार्थीहरु बताउँछन् ।
प्रोजेक्टर लगायत आधुनिक शैक्षिक सामग्रीबाट अध्यापन, उत्कृष्ट पुस्तकालयको व्यबस्था, दक्ष एवम् अनुभवि प्रशिक्षकद्धारा अध्यापन, पुराना तथा बाहिरि जिल्लाबाट आएका विद्यार्थीहरुलाई विशेष छुट लगायतका विशेषताहरुले भरिपुर्ण यस संस्थामा अध्यापन गर्न ईच्छुक विद्यार्थीहरुको संख्या दिनानुदिन बढिरहेको पाईन्छ । शैक्षिक दक्षता, हाम्रो लक्ष्य भन्ने मुल मन्त्रलाई आत्मसाथ गर्दै अगाडि बढेकाले विद्यार्थीको उपस्थिती सक्रिय रहेको बताए ।
