बुटवल । बुटवलको बेलबासमा कारले मोटरसाइकललाई ठक्कर दिदा ३ जना घाइते भएको छन् । बिहीबार साझ बुटवलको बेलबास स्थित शिवालय चोक नजिकै कारले मोटरसाइकललाई ठक्कर दिएको थियो ।
पश्चिमबाट तिब्र गतिमा आउँदै गरेको बा।१८ च ७४६८ नम्बरको कारले सोही दिशातर्फ गइरहेको लु ५४ प ९८५७ नम्बरको मोटरसाइकललाई ठक्कर दिएको लुम्बिनी प्रदेश ट्राफिक प्रहरी कार्यालय बुटवलका प्रवक्ता मोहोनबहादुर खाँणले बताए । तिब्र गतिको कारले ठक्कर दिएपछि मोटरसाइकल सडक बाहिर पर्खालमा ठोक्किएको थियो ।
दुर्घटनामा परि कारका चालक दिपेन्द्र चौलागाईं, कारमा सवार बुटवल१३ का ३५ वर्षीय रत्न सुवेदी र मोटरसाइकलका चालक पाल्पाको रम्भदेवी गाउँपालिका यमबहादुर डिसा मगर घाइते भएका छन । घाइते मध्य कारका चालक चौलागाईंको अवस्था गम्भीर रहेको छ। उनीहरुको लुम्बिनी प्रादेशिक अस्पताल बुटवलमा उपचार भैरहेको छ ।