जेष्ठ १३गते । पश्चिम नवलपरासीको रामग्राममा सवारी दुर्घटनामा परी एक जना घाईते भएका छन् । रामग्राम नगरपालिका वडा नम्बर १५ मा आज बिहान १० बजे टिप्परले मोटरसाईकललाई ठक्कर दिदाँ एक जना घाईते भएका हुन् ।
सोही वडाका २५ वर्षीय रामजत सैथवार घाईते भएको जिल्ला प्रहरी कार्यालयका प्रहरी नायब उपरीक्षक प्रेम बहादुर शाहीले जानकारी दिए । घाईतेको हात, खुट्टा र टाउकोमा चोट लागेको छ । उनको भैरहवा मेडिकल कलेजमा उपचार भैरहेको शाहीले बताए ।
पश्चिमबाट पुर्वतर्फ आउँदै गरेको लु २ ख ५०१३ नम्बरको टिप्परले सोही दिशातर्फ आउँदै गरेको लु २३ प ७०८५ नम्बरको मोटरसाईकललाई ठक्कर दिएको प्रहरीले जनाएको छ । टिप्पर, टिप्पर चालक र मोटरसाईकल प्रहरीको नियन्त्रणमा रहेको छ ।
प्रकाशित : २०७९ जेष्ठ १३, शुक्रबार १५:३५
