जेष्ठ १५ । आज गणतन्त्र दिवस देशभर विभिन्न कार्यक्रम गरी मनौदै छन्। नेपालमा २०६२÷०६३ सालको जनआन्दोलनपछि गणतन्त्र भित्रीको हो । नेपालमा गणतन्त्र घोषणा भएको १४ वर्ष लागेको छ । २०४७ सालको नेपाल अधिराज्यको संविधान खारेज गर्दै अन्तरिम संविधान जारी भएको थियो भने अन्तरिम संविधानले राजाका अधिकारहरू कटौती गरेको थियो । २०६४ सालमा संविधान सभाको निर्वाचन सम्पन्न भएपछि २०६५ साल जेठ १५ गते बसेको संविधान सभाको पहिलो बैठकमा राजतन्त्रको शासन्लाई अन्त्य गरीएको हो । नेपालमा संवैधानिक राजतन्त्रको अन्त्य गर्दै विधिवत् रूपमा गणतन्त्र घोषणा गरेको थियो । नेपालमा २ सय ४० वर्षदेखिको चलिआएको राजतन्त्रात्मक शासकीय परम्पराको अन्त्य गर्दै नेपालको राष्ट्राध्यक्षमा राष्ट्रपति रहने व्यवस्था गरियो । राज्यको कार्यकारी अङ्गमा जनताको प्रतिनिधि जाने व्यवस्था अनुसार नेपालको पहिलो राष्ट्रपतिको रूपमा रामवरण यादव निर्वाचित हुनुभयो । यादवले २०६५ साल साउन ७ गतेदेखि २०७२ कार्तिक ११ गतेसम्म पहिलो राष्ट्रपतिको भूमिका निर्वाह गर्नुभयो । राष्ट्रपतिको दोस्रो कार्यकालका रूपमा २०७२ कार्तिक १२ गतेदेखि विद्या भण्डारी हालसम्म राष्ट्रपतिको भूमिकामा रहनुभएको छ ।