लुदस, जितपुर
जिल्ला समन्वय समिति कपिलवस्तुको निर्वाचनमा समन्वय प्रमुख आ आफ्नो पक्षमा पार्न नेताहरुको दौडभुप बढेको छ ।
जिल्लामा कुनै पनि दलको स्पष्ट बहुमत छैन् ।
जिल्लामा १० स्थानीय मा जिससका लागि २० मत छ । जसमा नेकपा (एमाले) संग ७ र नेपाली कांग्रेससंग ८ भोट छ । एमाले र कांग्रेस विच तालमेल हुने संम्भावना छैन् ।
जसका लागि दुवै दललाई अन्य दलहरुसंग तालमेल गर्नु बाहेकको को विकल्प छैन् ।
नेकपा एमालेबाट जिसस प्रमुखमा बाबुराम आचार्यलाई उम्मेद्वार बनाउने गरि यस अगाडी नै तय गरेर वडा सदस्यमा विजयी समेत भएका छन् । उनि बाणगंगा ३ बाट सदस्य निर्वाचित भएका हुन् । यता नेपाली कांग्रेसबाट जिल्ला समन्वय मा जाने लगभग टुड्डो जस्तै लागेर बाणगंगा ९ बाट वडा सदस्यका लागि चुनावमा होमिएका पूर्व जिल्ला उप सभापती हरिराज घिमिरे वडाबाटै पराजित भए ।
। जसका कारण अहिले नेपाली कांग्रेसबाट समन्वयमा जानका लागि धेरै आकांक्षी देखिएका छन् । नेपाली कांग्रेसका तर्फबाट जिल्ला कार्य समिति सदस्य ज्ञानु कार्की , बुद्धभुमी १ बाट वडाध्यक्षमा निर्वाचित तेज बहादुर बस्नेत , जिल्ला कोषध्यक्ष शोहरत तेली , महाराजगंजका योगेन्द्र वहादुर केसी, लागयतका नेताको नाम जिसस प्रमुखको चर्चामा छ ।
तर कांग्रेसले भोली बैठक राखेर यस विषयमा टुड्डो लगाउने र सहमती हुन् नसके केही नामावली प्रदेशमा पठाउने जिल्ला सभापती अब्लुल खाँले लुम्बिनी दर्पणलाई बताए । नेताहरुले पार्टीको जिम्मेवारी पुरा गर्ने र आ आफ्नो दावी नछाड्ने बताए ।
यद्यपी जिससको चुनावी मिति भने भोली र पर्सीमा तोकिने र यसै महिनामा चुनाव हुने जिल्ला निर्वाचन कार्यालयका प्रमुख ज्ञानुराम पंन्थीले बताए । एमाले र कांग्रेस अरु साना दलहरुसंग सहकार्य गर्न निरन्तर वार्तामा छन् । नेपाली कांग्रेसका तर्फबाट भने सत्ता गठबन्धनका सहयात्रीदलहरुसँग सैद्धान्तिक सहमती भएको र आफुहरुकै बहुमत हुने नेपाली कांग्रेसका नि वर्तमान सभापती एवं लुम्बिनी प्रदेशका महामन्त्री सुरेन्द्रराज आचार्यले बताए । उनले पनी पार्टीभित्र ४ जना चर्चामा रहेको र सहमतीको प्रयास जारी रहेको बताए ।
यता एमाले जिल्ला अध्यक्ष डम्मर शर्माले जिससमा कसैको बहुमत नभएकाले अन्य दलहरुसंग चुनावी तालमेलका लागि पार्टीले प्रयास गरिरहेको बताए ।
उनले तालमेल हुन सके तालमेल गर्ने नभए एमाले एक्लै चुनावमा होमिने बताए ।
‘जिससमा कुनै पार्टीको एकल बहुमत छैन् । हामीले विभिन्न पार्टीसंग छलफल गरिरहेका छौं । उनले भने नेकपा (माओवादी केन्द्र) कपिलवस्तुका संयोजक रामचन्द्र शाहले जिससको चुनावमा गठबन्धन बीचका दलहरु बीच सहकार्य गर्ने गरि सैद्धान्तिक सहमती भएको बताए । जिल्लामा जनता समाजवादी पार्टी (जसपा) संग २ र माओवादीसंग १ मत छ
। कांग्रेस, जसपा र माओवादी बीच सहकार्य भए ११ मत हुन आउँछ । यद्यपि गठबन्धन दलले राप्रपा र लोसपा बीच पनि चुनावी तालमेलबारे सहकार्य गर्ने छन् ।
राप्रपा र लोसपा बीच पनि एक एक मत छ ।
लोसपा ले यसबारेमा निणर्य लिई नसकेको शुद्धोधनका अध्यक्ष कमलेश चौधरी ले बताए । जसपाका जिल्ला अध्यक्ष शैलेन्द्र यादवले गठबन्धन विचको सहमती कार्यन्वयन हुने र पदीय विषयमा केही दिनमै बसेर टुड्डो लाग्ने बताए । गठबन्धन सहयात्री विच को सैद्धान्तिक सहमतीले समन्वयमा बहुमत पुग्ने उनले बताए ।
