तिलोत्तमा,१३ फागुन ।
बिन्दु भट्टराई ।
तिलोत्तमा वडा नं ९ ज्ञानोदय टोलविकास संस्थाको आयोजनामा शनीबार सम्मान कार्यक्रम सम्पन्न भएको छ । संस्थाले मडुवारी घोला आसपासमा रहेको जग्गा टोलमा बन्न लागेको दुर्गा मन्दिरलाई उपलब्ध गराउने होमप्रसाद पाठक र बृद्धविश्राम कक्ष बनाउन जग्गा दिने केशवराज खरेललाई सम्मान गरेको हो ।
सम्मान कार्यक्रममा बोल्दै नगरपालिकाका उपप्रमुख जगेश्वरदेवी चौधरीले आफु छोडेर जांदा पनि समाजले सधै संझिरहने कार्य गरेको भन्दै जग्गा दाताप्रति र कार्य अगाडि बढाउने टोलविकास संस्थाप्रति धन्यवाद तथा प्रशंसा ब्यक्त गर्नुभयो । उहांले नगर यसमा प्रतिवद्ध भएर लाग्ने समेत बताउनुभयो । उहांले सरकारले मात्र भन्दा पनि निजि क्षेत्रबाट पनि सहयोग मिल्यो र ब्यक्तिले मन फुकाएर सहयोग गर्ने हो भने विकास सम्भव हुनेमा समेत जोड दिनुभएको छ ।
टोल विकास संस्थाका अध्यक्ष प्रकाश न्यौपानेको अध्यक्षतामा भएको कार्यक्रममा अध्यक्ष न्यौपानेले यो कार्य टोललेमात्र सम्भव नहुने भन्दै मनकारी टोलबासी,वडा र नगरको पनि उत्तिकै भुमिका रहने विश्वास ब्यक्त गर्नुभयो ।
त्यस्तै कार्यक्रममा छिमेकि वडाकोे रुपमा तिलोत्तमा वडा नं ८ का वडा अध्यक्ष कृष्णप्रसाद पौडेलले यो स्थानमा बन्न लागेको दुर्गा मन्दिर र बृद्धविश्राम कक्ष यो ठांउको लागि मात्र नभएर समग्र नगरको लागि गर्वको विषय भएको बताउनुभयो ।
त्यस्तै कार्यक्रममा तिलोत्तमा ९ का वडा अध्यक्ष ध्रुवप्रसाद न्यौपानेले वडाको विकासमा टोलको महत्वपुर्ण भुमिका हुने भन्दै टोलको अगुवाईमा हुन लागेको कार्यको प्रशंसा गर्नुभयो ।
कार्यक्रममा समाजसेवी नेत्र वन,विश्वशान्ती विद्यालय ब्यवस्थापन समितीका अध्यक्ष हरिप्रसाद पाण्डे, नन्देश्वर टोलविकास संस्थाका अध्यक्ष विष्णुप्रसाद पाण्डे,सिद्धार्थ टोलविकास संस्थाका अध्यक्ष दिनेश पाण्डे,आमा समुह,बाल क्लव,युवा समुह लगायतको उपस्थिती रहेको थियो । संस्थाका सहसचिव लक्ष्मी भुर्तेलको स्वागतमा भएको कार्यक्रमकोे संचालन ज्ञानोदय टोलविकास संस्थाका सचिव सुरेश पाण्डेले गर्नुभएको कार्यक्रममा तिलोत्तमा ९ को पर्यटन प्रवद्र्धनका लागि समेत यो कार्य महत्वपुर्ण भुमिका खेल्नेमा जोड दिईएको थियो । कार्यक्रममा वडामा भएको वडास्तरिय बक्तृत्वकला प्रतियोगितामा प्रथम हुने बालसंजालका अध्यक्ष विनिसा बगालेलाई समेत सम्मान गरिएको थियो ।
