हरि आचार्य, कपिलवस्तु
कपिलवस्तुका दक्षिणी क्षेत्रमा रहेका पालिकाहरुमा उपमेयर का श्रीमानले पालिकामा हैकम चलाउने गरेका छन् ।
नेपालको कानुनत : एउटै दलबाट पालिकाको अध्यक्ष र उपाध्यक्ष मध्ये एक जना अनिवार्य महिला राख्नुपर्ने प्रावधान भएपछी अधिकांस पालिका उप प्रमुख मा महिलाको संख्या बढी छ । तर यसरी नितिमा निर्वाचित महिला उप प्रमुख कपिलवस्तुका दक्षिणी पालिकामा डमी जस्तै हुने गरेका छन् । उनिहरु आफ्नो अधिकार काम कर्तव्य बारे नै जानकार छैनन् ।
यसरी निर्वाचित हुने अधिकांश महिला उप प्रमुख आफ्नो योग्यता क्षमताले नभई श्रीमान नेता पार्टिलाई सहयोग गरेकै भरमा सट्टामा कानुनी अड्चन का कारण श्रीमतीलाई पदमा राखेर पदीय अधिकार आफुले लिने गरेका छन् ।
कानुन विपरित कार्यपालिका बैठकदेखि सेवा सुविधा सम्ममा हस्तक्षेप गर्ने गरेको पाईएको छ । त्यतिमात्र होईन कर्मचारीहरुमाथी समेत हैकम चलाउने गरेको पाईएको छ ।
कपिलवस्तु नगरपालिकाकी उपप्रमुख सुनिता गुप्ताका श्रीमान संजय भन्ने धिरज कुमार गुप्ताले दुव्र्यवहार गरेको भन्दै नगरपालिकाका कर्मचारी शुक्रवार आन्दोलित भए । नगरपालिकाका सम्पुर्ण कर्मचारीको बैठकले पेन डाउन गर्दै नाराबाजीमै उत्रिएका छन् । नगर उपप्रमुख गुप्ताका श्रीमान संजयले नगरपालिकामा कार्यरत कर्मचारीलाई पटक पटक गाली गलौज र दुव्र्यवहार गरेकाले नगरपालिकामा सहज बातावरण नहुँदा सम्मका लागि पेन डाउन गर्ने निर्णय गरेको निर्णयमा उल्लेख छ ।
कर्मचारीहरुले नगरपालिकाको स्वास्थ्य, दमकल र नगर सरसफाई बाहेकका सेवामा पेन डाउन गर्ने जनाएका छन । त्यसै गरि दुव्र्यवहार गर्ने गुप्तालाई प्रचलित कानुन बमोजिमको कारवाही गर्न कर्मचारीहरुको बैठकको माग छ । यसै बिच कपिलवस्तु नगरपालिकाले जिल्ला प्रहरी कार्यालय कपिलवस्तुलाई उपप्रमुखका श्रीमान धिरज कुमार गुप्तालाई कानुनी कारवाही गर्न माग गर्दै पत्राचार गरेको छ । पत्रमा कपिलवस्तु नगरपालिकाको १४ औं नगरसभा मिति २०८० असार १० गते सञ्चालन गर्न प्रस्ताव भए अनुसार बार्षिक बजेट निर्माण गर्ने क्रममा शुक्रबार बसेको बजेट तर्जुमा समितिको बैठक बस्ने क्रममा समिति संयोजक नगर उपप्रमुखले आफ्नो श्रीमान संजय गुप्तालाई समेत बैठकमा सहभागी गराउनु पर्ने माग राखेको उल्लेख छ । तर बैठकमा सहभागी समितिका सदस्यले असहमती व्यक्त गरे पछि उपप्रमुख गुप्ता बैठक छोडेर बाहिरीएको जनाईएको छ । सो पश्चात प्रवेशद्धारमा बसिरहेका सन्जयले कार्यालयमा कार्यरत सम्पुर्ण कर्मचारीहरुलाई लक्षित गरि अपशब्द र धाकधम्कीको भाषामा गाली गलोज गरेको पत्रमा उल्लेख गरिएको छ ।
उता शुद्धोधन गाउँपालिका लवनीमा समेत केहीदिन अघि प्राविधिक शाखामा कार्यरत कर्मचारीहरुले पेन डाउन आन्दोलन गर्ने भन्दै विज्ञप्ति जारी गरेका थिए ।
कर्मचारीहरुले बजेट निकासाको अन्तिम समयमा आएर उपभोक्ता समिति तथा जनप्रतिनिधिहरुबाट निर्माण व्यवसायीको पक्षपोषण गर्दै डर, धम्की तथा गालीगलौज गरि नभएको कामको विल उठान गर्न दवाव दिएको भन्दै सोको विरोध स्वरुप कामकाज ठप्प पार्ने चेतावनी समेत दिएका थिए । त्यहाँ पनी पत्रमा उल्लेख नगरेपनी उप मेयर होम प्रकाश चौधरीको कार्यशैलीले आजित बनेको कर्मचारीहरु बताउछन् ।
मायादेवी गाउँपालिकाको अवस्था पनी उस्तै छ । उपमेयर सरस्वती यादवका श्रीमान मेवालाल यादवले पालिकामा हैकम चलाउने गरेका छन् । उनले सरकारी सवारी साधन दुरुपयोग गर्ने कर्मचारीहरुलाई योजना र नियम मिच्दै निकासामा दवाव दिने लगाएतका गतिविधि गर्ने गरेका छन् । सरस्वती यादव नेपाली कांग्रेसबाट विजयी भएकी हुन् उनका श्रीमान तत्कालिन समयमा नेपाली कांग्रेसको महाधिवेशन प्रतिनिधि थिए । पछी प्रतिनिधि सभाको
चुनावमा उनले प्रदेश सभाका लागि टिकट नपाएपछी जसपाबाट उमेद्वार बनेका थिए ।
उता यशोधरा गाउँपालिकी उपमेयर गुन्जादेवी मौर्याका पनी श्रीमान नै वर्चश्व जमाउने गरेका छन् । उनका श्रीमान राजेन्द्र मौर्या योजनाको अनुगमन देखि न्यायीक समितिको निर्णयमा समेत हस्तक्षेपकारी भुमिका निर्वाह गर्ने गरेका छन् ।
त्यतिमात्र होईन कर्मचारीहरुलाई समेत आफु अनुकुलका योजना भुक्तानीमा दवाव दिने गरेको एक कर्मचारीले बताए । कृष्णनगर र महाराजगंन्ज नगरपालिकामा पनी उस्तै अवस्था छ । महाराजगंन्ज नगरपालिकामा नेपाली कांग्रेसका नगर सभापती राम अचल कुर्मीको बुहारी उपमेयर छिन् । यस अगाडी निर्वाचनमा उमेद्वार बनेकी श्रीमती सुभावती कुर्मीको निधन भएपछी पार्टीले उनकै बुहारिलाई उमेद्वार बनाएको थियो , निर्वाचित भएकी रिता कुमारी कुर्मीका उनै ससुराको हालिमुहालि चल्ने गरेको छ । यस अगाडी श्रीमती हुदाँ सवै क्षेत्रमा उनको हस्तक्षेप रहेको एक जन प्रतिनिधिले बताए ।
जनप्रतिनिधिहरुको अस्वभाविक हर्कत विरुद्ध दुई पालिकाका कर्मचारीहरुले आवाज उठाएपनी अन्य पालिकामा भने बोल्न समेत डराउने गरेका छन् । ति पालिकाका कर्मचारीहरुले संचारकर्मीहरुसंग गुनासो गर्दछन् । क्यामरामा भने बोल्न डराउछन् कतै आफ्नो नाम जोडिने हो कि भन्ने डरले कर्मचारीहरु उपमेयरका श्रीमानको हैकम खेप्न बाध्य छन् । यीनै पालिका मध्येका कर्मचारीहरु भन्छन् काम गरौ नीति नियम विपरित भविष्यमा अख्तियार दुरुपयोगमा परिएला भन्ने डर नगरौ दवाव, दमन धाक धम्की जागिरै धरापमा पर्ने भो !
