हरि आचार्य, कपिलवस्तु
स्काईलार्क ईङ्गलिीश बोर्डिङ्ग स्कुलले २७ औं वार्षिक उत्सव तथा पुरस्कार वितरण समारोह भव्यताका साथ सम्पन्न गरेको छ । अतिरिक्त क्रियाकलापसंगै अध्यापनमा समेत उत्कृष्ट कपिलवस्तुको बाणगंगा नगरपालिका वडा नं. ११ ओदारीमा अवस्थित यस स्काईलार्क ईङ्गलिश बोर्डिङ्ग स्कुलले प्रागंणका एक कार्यक्रमको आयोजना गरि २७ औं वार्षिक उत्सव तथा पुरस्कार वितरण समारोह सम्पन्न गरेको हो ।
दिनभर वालवालिकाहरुका प्रस्तुती हेर्दा कार्यक्रमका प्रमुख अतिथि, अतिथि तथा अभिभावकहरु दंग परेका थिए । आ आफ्ना वालवालिकाहरुले प्रतिभा देखाउदा खुसीले गदगद हुंदै अभिभावकहरुले तस्बिर खिचिरहेका थिए । यता विद्यार्थीहरुले विभिन्न पोसाकमा सजिएर नृत्य, गीत, लगायत दिनैभरी प्रस्तुत गरिरहेका थिए ।
कार्यक्रमलाई सम्बोधन गर्दै कपिलवस्तुका प्रमुख जिल्ला अधिकारी विश्व प्रकाश अर्यालले कपिलवस्तुको शिक्षाको विकासका लागि नीजि विद्यालयको अहम भुमिका रहेको बताउनुभयो । उहाँले सरकारले सामुदायिक संगै नीजि विद्यालयलाई समान रुपले हेर्नुपर्नेमा जोड दिनुभयो । स्काईलार्क स्कुलले वालवालिकाहरुको शैक्षिकसंगै चौतर्फी विकासमा जोड दिंदै आएको बताउनुभयो ।
कार्यक्रममा विभिन्न खेलकुद प्रतियोगितामा उत्कृष्ट विद्यार्थीहरुलाई पुरस्कार वितरण समेत गरिएको थियो भने अन्य विधाका विभिन्न पुरस्कार समेत प्रदान गरिएको थियो । पढाईसंगसंगै विद्यार्थीहरुको शारिरीक, मानसिक तथा संवेगात्मक पक्षको विकास गरि उनीहरुको हौसला वृद्धि गर्नका लागि पुरस्कार वितरण गरिएको स्कुलका प्रिन्सिपल तोलाकान्त डुम्रेले बताउनुभयो ।
त्यस्तै कार्यक्रमका विशिष्ठ अतिथि प्याब्सन कपिलवस्तुका अध्यक्ष सुन्दर पाण्डेले स्काईलार्क ईङ्गलीश बोर्डिङ्ग स्कुल जिल्ला, प्रदेशमा मात्र नभई राष्ट्रमै आफ्नो स्थान बनाउन सफल भएको बताउनुभयो । अध्यक्ष पाण्डेले अतिरिक्त क्रियाकलाप मात्र नभई अध्यापनमा समेत अगाडि रहेको तथ्यांकले देखाएको भन्दै स्काईलार्क उत्कृष्ट शैक्षिक संस्था रहेको दावि गर्नुभयो । उहाँले विद्यार्थीहरुलाई पुरस्कार वितरण गर्दै पुरस्कार वालवालिकाहरुको जिवन्त जिवित रहने भन्दै थप हौसला बढ्ने बताउनुभयो ।
अभिभावक गेलईराम गुप्तासंगै अन्य अभिभावकले स्काईलार्क ईङ्गलीश बोर्डिङ्ग स्कुलको गुणस्तरीय शैक्षिक क्रियाकलापले शैक्षिक स्तरमा टेवा पुगेको बताउनुभयो ।
स्कुलका प्रिन्सिपल तोलाकान्त डुम्रेले कार्यक्रम भव्य र सभ्य रुपमा सम्पन्न गर्नका लागि सहयोग गर्ने सम्पुर्णलाई धन्यवाद व्यक्त गर्दै विद्यार्थीहरुको भविष्य समुज्जवल बनाउनका लागि कुनै कसर बाँकी नराख्ने प्रतिवद्धता व्यक्त गर्नुभयो । डुम्रेले प्रत्येक क्रियाकलापमा हरेक वालवालिकाहरुलाई सहभागी गराई अगाडि बढ्दै आएकाले विद्यार्थीहरुको क्षमता पनि विकास हुंदै गएको भन्दै उनीहरुको ईच्छा रुची अनुुसार अभिभावहरुले पनि भुमिका खेल्न आग्रह गर्नुभयो ।
राष्ट्रिय अनुस्न्धान कार्यालय कपिलवस्तुका प्रमुख बिक्रम खनाल, प्याब्सन केन्द्रिय सदस्य शिव गैरे, बाणगंगा नगर समिति अध्यक्ष सुरेन्द्र पाण्डेको विशिष्ठ आतिथ्यता, अभिभावक, शिक्षक, कर्मचारी, विद्यार्थीहरुको उपस्थिती रहेको कार्यक्रम विद्यालयका सञ्चालक यशोधा खत्रीको स्वागत उद्घोषक शिक्षक हरि आचार्यको सञ्चालनमा सम्पन्न भएको थियो ।
प्रशिक्षक तथा पर्याप्त खेलमैदान सहित खेलकुदको समुचित व्यवस्था, वाल तथा अपांगतामैत्री, विपन्न तथा जेहेन्दार विद्यार्थीहरुलाई छुट तथा निःशुल्क अध्यापन सहित हजारौ विद्यार्थीहरुको भविष्य समुज्जवल बनाउन लागिरहेको छ स्काईलार्क ईङ्गलीश बोर्डिङ्ग स्कुल ।
