हरि आचार्य, कपिलवस्तु
कपिलवस्तु स्कुल अफ होटल म्यानेजमेन्ट प्रा.लि.चार नम्बर जितपुर कपिलवस्तुको आयोजनामा प्रमाण पत्र वितरण, बधाई तथा सफलताको शुभकामना ज्ञापन कार्यक्रम सम्पन्न भएको छ । कपिलवस्तुको बाणगंगा नगरपालिका चार नम्बर जितपुर स्थित उक्त स्कुलमा डिप्लोमा ईन होटल म्यानेजमेन्ट प्रथम ब्याच उतीर्ण विद्यार्थीहरुलाई प्रमाण पत्र वितरण, बधाई तथा सफलताको शुभकामना ज्ञापन गरिएको हो । त्यस्तै डिप्लोमा ईन होटल म्यानेजमेन्ट द्धितीय ब्याचका विद्यार्थीहरुले प्रथम ब्याचका विद्यार्थीहरुलाई मायाको चिनो प्रदान गरिएको थियो ।
कार्यक्रममा प्रमाण पत्र ग्रहणसंगै मन्तब्य राख्दै विद्यार्थीहरु जोनसोन रास्कोटी, दिनेश भण्डारी, मोनिका घर्ती लगायतले अध्ययन गर्दाका आफ्ना अनुभवहरु प्रस्तुत गर्दै कपिलवस्तु स्कुलले राम्रो अवसर ल्याएको बताउनुभयो । विद्यार्थीहरुले स्कुलका संचालक तथा शिक्षकहरुले सौहार्दपुर्ण बाताबरणमा अध्यापन गराएको बताउँदै स्कुलको सफलताको कामना गरेका थिए । त्यस्तै अभिभावक बोम बहादुर रास्कोटीले थप प्रगतिको कामना गर्नुभएको थियो ।
कपिलवस्तु स्कुल अफ होटल म्यानेजमेन्ट प्रा.लि.का सञ्चालक दिलिप आलेले कार्यक्रम सफल पार्न सहयोग गर्ने सम्पुर्णमा आभार व्यक्त गर्दै विद्यार्थीहरुलाई गुणस्तरिय शिक्षा दिनका लागि कुनै कसुर बाँकी नराख्ने बताउनुभयो । उहाँले विद्यार्थी, अभिभावक सबैको सल्लाह सुझाव ग्रहण गर्दै आगामी दिनमा अगाडि बढ्ने बताउनुभयो । संचालक आलेले यस क्षेत्रका युवाहरुलाई स्वरोजगार तथा रोजगार प्रदान गर्ने उद्देश्यले स्कुल सञ्चालन गरेको बताउनुभयो ।
कार्यक्रममा स्कुलका संचालक तिलकराम आचार्य, शिक्षक अनिल घिमिरे, अमित थापा, बर्षा सेन ठकुरी लगायत विद्यार्थी, अभिभावकहरुको उपस्थिती रहेको कार्यक्रम पत्रकार हरि आचार्यको सञ्चालनमा सम्पन्न भएको हो ।
