लुदस, कपिलवस्तु
श्री कैलाश आश्रम कृषि सहकारी संस्था लिमिटेड बाणगंगा २ कपिलवस्तुको नवौँ वार्षिक साधारण सभा तथा तेस्रो अधिवेशन सम्पन्न भएको छ । संस्थाको कार्यालयमा सम्पन्न अधिवेशनले आगामि ३ वर्षका लागि गिरीराज कँडेलको नेतृत्वमा ११ सदस्यीय कार्यसमिति सर्वसम्म्त रुपमा चयन गरेको छ । जसको उपाध्यक्षमा हुमकला पछांई, सचिवमा बुद्धिराम घिमिरे, सह सचिवमा अनिशा खड्का र कोषाध्यक्षमा धनराज रेग्मी चयन हुनुुभएको छ भने सदस्यहरुमा नारायण कँडेल, पुष्कर घिमिरे, यम कुमारी महत, तिलकराम शर्मा, तुलसा थापा, शंकर बहादुर थापा रहनुभएको छ । नन्दराम पौडेलको संयोजकत्वमा जिवलाल घिमिरे र कमला भट्टराई लेखा समिति सदस्यमा निर्विरोध रुपमा निर्वाचित हुनुभएको छ ।
कार्यक्रमका प्रमुख अतिथि बाणगंगा नगरपालिकाका नगर प्रमुख चक्रपाणि अर्यालले यस क्षेत्रका खासगरी १ र २ नं. वडाका कृषकको जिवन स्तरोन्नतिका निमित्त सहकारीले महत्वपुर्ण योगदान गरेको बताउनुभयो । बेलाबेला नगरपालिका एवं विभिन्न संघ संस्थाको संवन्वयमा दुग्ध डेरी सुधार कार्यक्रम, च्याउ तथा साना मेशिनरी औजार एवं घाँसको बिउ वितरण, किसानलाई प्रतिफलमा आधारित प्रोत्साहन अनुदान, जेष्ठ सदस्यलाई सम्मान, कृषकलाई कृषि प्रविधि वितरण जस्ता महत्वपुर्ण काम गरेको भन्दै कार्यक्रमका प्रमुख अतिथि अर्यालले संस्थाको प्रशंसा समेत गर्नुभयो ।
कार्यक्रमका विशिष्ट अतिथि बाणगंगा नगरपालिकाका प्रवक्ता एवं वडा नं.२ का वडा अध्यक्ष विष्णु प्रसाद पौडेलले सहकारीले कृषकहरुप्रति देखाएको उत्तरदायी भुमिकाको उच्च प्रशंसा गर्दै सहकारीका हरेक गतिविधिहरुमा सुझाव सल्लाह एवं महत्वपुर्ण सहयोग रहने प्रतिबद्धता समेत व्यक्त गर्नुभयो ।
कार्यक्रममा बाणगंगा नगरपालिकाका पशुसेवा शाखा प्रमुख राजकुमार तिवारी, मनकामना सामुदायिक वन उपभोक्ता समुहका अध्यक्ष मुक्त बहादुर कार्की, बाणगंगा मौरीपालन तथा मह उत्पादक संस्था लिमिटेडका अध्यक्ष लिलापति घिमिरे, मनकामना सामुदायिक वनका निवर्तमान अध्यक्ष अमित पौडेल, बाणगंगा नगरपालिकाका कृषि विकास शाखा अधिकृत सन्तोष भुषाल लगाएत विभिन्न संघ संस्थाका प्रतिनिधिहरुको आतिथ्यता रहेको थियो ।
कार्यक्रम संस्थाका अध्यक्ष खुमलाल शर्माको अध्यक्षता, उपाध्यक्ष पम्फा कँडेलको स्वागत मन्तव्य एवं सचिव गिरीराज कँडेलको सञ्चालनमा सम्पन्न भएको थियो ।
