हरि आचार्य, कपिलवस्तु
सिद्धार्थ बचत तथा ऋण सहकारी संस्था लिमिटेड बाणगंगा ४ कपिलवस्तुको २६ औं बार्षिक साधारण सभा सम्पन्न गरिएको छ । संस्थाको कार्यालय प्रांगणमा सम्पन्न २६ औं साधारण सभाले विभिन्न महत्वपुर्ण निर्णयहरु पारित गरेको छ ।
साधारण सभाले गत आर्थिक बर्षको बार्षिक प्रतिवेदन, कार्यक्रम कार्यनीति पारित, कार्यक्रम कार्यनीति तथा बजेट स्वीकृत, गत र चालु आर्थिक बर्षको लेखा तथा सुपरिक्षण समितिको प्रतिवेदन पारित, आन्तरिक कार्यविधि संशोधन तथा पारित, गैर बैकिंङ् सम्पति विक्रि सम्बन्धमा विभिन्न निर्णयहरु पारित गरेको छ । साधारण सभामा सहकारीका अध्यक्ष ईन्दिरा भट्टराईले प्रस्तुत गरेको अध्यक्षको प्रतिवेदन, सचिव अम्बिका थापा क्षेत्रीले प्रस्तुत गरेको प्रगति प्रतिवेदन, कोषाध्यक्ष लिलासिंह ठकुरीले प्रस्तुत गरेको आर्थिक प्रतिवेदन, लेखा संयोजक देवकला सुवेदीले प्रस्तुत गरेको लेखा तथा सुपरिवेक्षण समितिको प्रतिवेदन पारित भएका छन् ।
साधारण सभालाई सम्बोधन गर्दै लुम्बिनी प्रदेश सभा सदस्य बिष्णु पन्थीले सिद्धार्थ सहकारी जस्ता पुराना र ज्येष्ठ सहकारीले शेयर सदस्यको समृद्धि र उद्यमशिलतामा जोड्नका लागि नयाँ सहकारीलाई बाटो देखाउने काम गर्न आवश्यक रहेको बताउनुभयो ।
कार्यक्रमका प्रमुख अतिथि पुर्व मन्त्री समेत रहनुभएका सांसद पन्थीले सहकारी मार्फत उद्यमशिलता, उत्पादन र रोजगार सृजना गरि महिलाहरुलाई आर्थिक सशक्तिकरणमा योगदान गर्नुपर्ने बताउनुभयो । उहाँले सदस्यहरुलाई आर्थिक र सामाजिक क्षेत्रमा सशक्त बनाउन सिद्धार्थ सहकारीको अहम भुमिका रहेको बताउँदै अब रचनात्मक कार्य गरि नमुना सहकारीको रुपमा पहिचान बनाउन अनुरोध गर्नुभयो । उहाँले सहकार्य गरेर सामाजिक उत्तरदायित्वका कामहरु सहकारी मार्फत गर्न सकिने बताउदै ३ खम्बे अर्थनितिमा सहकारी पनि एक महत्त्वपूर्ण हिस्सा रहेको बताउनुभयो ।
कार्यक्रममा लुम्बिनी सहकारी संघ लिमिटेड लेखा तथा सुपरिक्षण समितिका संयोजक तेज प्रसाद आचार्य, सहकारीका संस्थापक अध्यक्ष योगमाया पौडेल, सिद्धार्थ सामाजिक विकास केन्द्रका अध्यक्ष सुर्य कुमारी शाहि, जिल्ला समन्वय समिति कपिलवस्तु सदस्य सुमित्रा परियार, बाणगंगा ७ का वडा सदस्य पार्वती सुनार लगायतको आतिथ्यता, संस्थाका लेखा समितिका संयोजक, सदस्य, विभिन्न उप समितिका संयोजक तथा सदस्य, विभिन्न संघ संस्थाका प्रतिनिधि, शेयर सदस्य, कर्मचारीहरुको उपस्थिती रहेको कार्यक्रम सहकारीका सचिव अम्बिका थापा क्षेत्रीको स्वागत तथा व्यबस्थापक हरिलाल शर्माको सञ्चालनमा सम्पन्न भएको हो ।
यसैबचि सिद्धार्थ बचत तथा ऋण सहकारी संस्था लिमिटेडको अध्यक्षमा देवकला सुवेदी, उपाध्यक्षमा गीता भुसाल, सचिवमा शोभा पौडेल, सह–सचिवमा ईशा जिसी, कोषाध्यक्षमा हरि अधिकारी सर्वसम्मत रुपमा निर्वाचित हुनुभएको छ । त्यसैगरि सदस्यहरुमा ईन्द्रलाल पौडेल, शान्ता थारु, अम्बिका विक, टिमामा थारु, तुल्सीराम चौधरी, बिष्णु ढुंगाना, रहनुभएको छ भने लेखा समितिको संयोजकमा त्रिलोचन घिमिरे सदस्यहरुमा अमर बस्नेत र पबित्रा बिष्ट चुंदाली चयन हुुनुभएको छ ।
