लुदस, कपिलवस्तु
कपिलवस्तु जेसिज बर्ष २०२५ का लागी अध्यक्ष पदमा झविन्द्र खनालले उम्मेदवारी घोषणा गर्नुभएको छ । यही माघ ४ र ५ गते हुन लागेको कपिलवस्तु जेसिजको अधिवेशनमा खनालले अध्यक्ष पदमा उम्मेदवारी घोषणा गर्नुभएको हो ।
आफु कपिलवस्तु जेसिजको सचिव, कोषाध्यक्ष उपाध्यक्ष, बरिष्ठ उपाध्यक्ष भई कुशलता पुर्वक जिम्मेवारी बहन गरेको बताउदैँ उहाँले अहिले अध्यक्ष पदमा उम्मेदवारी दिन लागेको बताउनुभयो ।
विभिन्न बहानामा यसअघि पनि आफु अध्यक्ष पदबाट पछाडी हटेको बताउदै उहाँले यसपालि चुनावमै जाने गरी उम्मेद्वारी घोषणा समेत गरेको उहाँले बताउनुभयो । साथै उहाँले आफुलाई अध्यक्ष पदमा आफुलाई सके सर्वसम्मत नभए चुनावबाटै भएपनि निर्वाचित गर्नका लागी सहयोगको आग्रह समेत गर्नुभएको छ ।
नेपाल किसान ट्रयाक्टर समितिको अध्यक्ष समेत रहनुभएका खनालसंग विभिन्न संघ संस्थाको नेतृत्व गरेको अनुभव छ । सामाजिक क्षेत्रमा परिचित युवा खनालले लामो समय जेसीजका विभिन्न जिम्मेवारीमा रहेर काम गरिसक्नुभएको छ । व्यक्ति महत्वपुर्ण नभएको भन्दै नेतृत्व लिनका लागि व्यक्तित्व पनि आवश्यक भएकाले त्यो व्यक्तित्व आफुसग रहेको बताउनुभयो ।
