लुदअ पुस ५, काठमाण्डौ
प्रधानमन्त्री केपी शर्मा ओलीले संसद् विघटन गरेपछि हुने सम्भावित घटनालाई मध्यनजर गर्दै काठमाण्डौमा ठूलो सङ्ख्यामा प्रहरी परिचालन भएका छन् ।
सिंहदरबारको चारैतर्फका सडक, माइतीघर, नयाँ बानेश्वर, बालुवाटार, शीतल निवास, निर्वाचन आयोग वरपर र भिडभाड हुने अन्य ठाउँमा सुरक्षाकर्मीको उपस्थिति बाक्लो बनाइएको छ । सुरक्षा अवस्थालाई हेरेर सुरक्षाकर्मीको उपस्थिति बढाइएको महानगरीय प्रहरी कार्यालय रानीपोखरीले जानकारी दिएको छ ।
यसैबीच संसद् विघटनपछिको अवस्थाबारे आइतबार दिउँसो सैनिक मुख्यालय भद्रकालीमा छलफल भएको छ । देशैभरका पृतना, गुल्म तथा ब्यारेकलाई चनाखो रहन मुख्यालयले सूचना पठाएको सैनिक स्रोतले जनाएको छ ।
सरकारबाट आउने निर्देशनअनुसार परिचालनको लागि तयारी अवस्थामा रहेको पनि सैनिक स्रोतको भनाइ छ ।
प्रकाशित : २०७७ पुष ५, आईतवार १८:०५
