लुदअ दाङ पुस २३
प्रधानमन्त्री केपी शर्मा ओलीले राजाले गर्ने काम गरेका राष्ट्रिय जनमोर्चाका अध्यक्ष चित्र बहादुर केसीले बताएका छन्। दाङको लमहीमा लमही नगर कमिटीले आयोजना गरेको पत्रकार सम्मेलनमा केसीले संसद पुनर्स्थापना हुन सक्दैन भन्ने ओलीको भनाइप्रति दुख व्यक्त गरे।
ुप्रधानमन्त्री ओलीले न्यायलयलाई हातमा लिएजसरी संसद पुर्नस्थापना हुन सक्दैन भन्नु दुखद हो। हिजो राजाहरुले आफूअनुकूल नभए ड्याम्म संसद विघटन गर्थे, अहिले जनताको दुई तिहाइको मत पाएका जनताकै छोराले राजाकै शैलीमा संसद विघटन गराए र नाटक देखाए,’ उनले भने।
मुलुक उल्टो दिशामा हिँडेको भन्दै प्रधानमन्त्री ओलीले संसदको सामना नगरी प्रतिनिधिसभा विघटन गर्ने नमिल्ने पनि केसीले तर्क गरे। ुसंविधान बनाउँदा देशमा अस्थिरता नहोस्, सरकार लामो समय चलोस्, भनेर धेरै प्रक्रिया पार गरेर पनि सरकार बन्ने अवस्था नभएमा मात्रै निर्वाचनबाट ताजा जनादेशमा जाने कुरा उल्लेख भए पनि संविधान नै नपढी संसद विघटन गरिएको छ।ु उनले भने।
दलको आपसी किचलोले संविधानमै व्यवस्था नभएको संसद विघटन भएको भन्दै पुनर्स्थापना हुनुपर्ने मागसमेत गरे।
‘मुलुकमा कोरोनाले अर्थतन्त्र तहसनहस भएका बेला गर्नै नहुने काम भएको छ, इतिहासमा विघटन भएको संसद पुनर्स्थापना पनि भएको छ, हुनुपर्छ,’ उनले थपे।
पूर्वउपप्रधानमन्त्री समेत रहेका केसीले देशमा स्थिरता कायम राख्न संविधान सुझबुझका साथ बनाएको भन्दै भारततर्फ लक्षित गर्दै अस्थिरता सिर्जना गर्न दक्षिणी मुलुकले पटक–पटक गरेको मेहनतस्वरुप संसद विघटन भएको तर्क गरे।
