भैरहवा, चैत १। रुपन्देहीको मर्चवारीबाट शनिबार जिल्लाको मर्चवारी गाउँपालिका–७ कञ्चनपुरस्थित प्रहरी चौकी पिप्रहवाबाट प्रहरी सहायक निरीक्षक कमल प्रसाद आचार्यको कमाण्डमा तीन जना र सशस्त्र प्रहरी बीओपी पुर्नीकोटबाट दुई जना सशस्त्र प्रहरी जवानको संयुक्त टोलीले गोली नभएको पेस्तोलसहित ३ जनालाई पक्राउ गरेको छ ।पक्राउ पर्नेमा रुपन्देही सम्मरीमाई गाउँपालिका ७ बेतकुईयाका २४ वर्षीय सुरज हरिज, सोही वडाका २३ वर्षीय तौलन हरिजन र २६ वर्षीय सकिल मुसलमानरहेको जिल्ला प्रहरी कार्यालय रुपन्देहीले जनाएको छ ।
युपी ५५ एन ४९४८ नम्बरको मोटरसाइकलमा सवार उनीहरुलाई शंका लागेपछि खानतलासी गर्दा उनीहरुको साथबाट एक थान पेस्तोल फेला परेकोले उक्त हतियारसहित तीनै जनालाई नियन्त्रणमा लिई आवश्यक अनुसन्धान भइरहेको जिल्ला प्रहरी कार्यालय रुपन्देहीका प्रहरीका प्रवक्ता एवं डिएसपी सत्य नारायण थापाले जानकारी गराए।
