हरि आचार्य, कपिलवस्तु
भेडामारे–सिमलपानी–पावर बिक्रम–जितपुर सडक खण्डको डिपिआर मन्त्रालयमा पेश भएको छ । अर्घाखाँची जिल्ला शीतगङ्गा नगरपालिका वडा नं. १३ का वडाध्यक्ष दुर्गा बहादुर बिसीको अगुवाइमा करीब १ अर्ब ९ करोड बराबरको डिपिआर लुम्बिनी प्रदेश मन्त्रालयमा पेश गरिएको हो । अध्यक्ष बिसीले आफू सिमलपानीको बिकाशका निम्ति अनवरत रुपमा खटेर काम गरेको बताए ।
साथै उनले बिकासका पुर्वाधार मध्ये बाटोको भुमिका प्रमुख रहने भएकाले आफू त्यस्को बिकासका निम्ति लागिपरेको र डिपिआर पेश गरेर निर्माण कार्यका लागी ढोका खुलेको बताए ।
सडक डिभिजन कार्यलय शिवपुर बाट डिपिआर तयार गरि सडक बिभागमा पठाईएको र छिटो भन्दा छिटो बजेट बिनियोजन भई काम थालनी हुनेमा आफू बिस्वस्त रहेको बिसीले बताएका छन् ।
प्रकाशित : २०७७ चैत्र १२, बिहीबार १२:०९
