लुदअ कपिलवस्तु, बैशाख २७
विश्वभर महामारीको रुपमा फैलिएको कोरोना भाईरस कोभिड १९ को संक्रमण फैलन नदिन नेपालमा पनि लकडाउन घोषणा भएसंगै शैक्षिक क्षेत्रमा ठुलो समस्या भएको छ र लकडाउन भएपछि विद्यार्थी चिन्तित बनेका छन् । सोहि समस्यालाई मध्यनजर गर्दै काठमाडौंको मुख्य क्षेत्रमा रहेको २६ बर्ष पुरानो कलेजले विद्यार्थीहरुको अतिरिक्त क्षमता विकास गर्ने उद्देश्यले एसईई दिने विद्यार्थीहरुलाई मध्यनजर गर्दै फेस्बुक लाईभ मार्फत अनलाईन क्विज सम्पन्न गरेको छ । जहा कक्षा मन्टेश्वरी देखि डिग्री सम्म करिव १८ सय विद्यार्थीहरु अध्यापन गर्दछन ।
मनोवैज्ञानिक एबं बौद्धिक रुपमा विद्यार्थीहरुलाई सबल राखने उदेश्यका साथ संचालन गरिएको उक्त्त अनलाईन क्विज कार्यक्रममा देशभरीबाट करिब ४ सय जना एसईई दिने विद्यार्थीहरु उक्त्त लाईभमा जोडिएको कार्यक्रम संचालक एवम् बिज्ञान विषय विभाग प्रमुख गोपाल बहादुर महतले जानकारी दिए । अनलाईन क्विज कार्यक्रममा एसईईकै पाठ्यपुस्तक र समसामाहिक कुरा लाई सोधिएको थियो । जम्मा १० ओटा प्रश्न सोधिएकोमा प्रत्येक प्रश्नको सुरुमा सहि उत्तर लेख्नेलाई रु २ सय पुरस्कार प्रदान गरिएको कलेजका सहायक प्रधानाध्यापक रेगन पर्साईले बताए ।
क्विजमा झापा बाल्मिकी शिक्षाका इशान थापाले र भक्तपुर प्रिसिओस स्कुलकी सलिना कार्कीले ३ ३ प्रश्नको सहि दिई मिलाई रु ६ सय पुरस्कार जितिन् भने झापाकै आलोक पराजुली र अयुसमान नेपालले १र१ प्रस्नको उत्तर मिलाए । त्यसैगरी काठमाडौँ इन्द्रधनुस स्कुलका पशुपति राय र काठमाडौकै बेस्ट ग्रप स्कुलका जाबाज़ महमदले पनि १र१ प्रस्नको उत्तर मिलाए । महामारीको समएमा पनि अनलाईन क्विज संचालन गरेकोमा सहभागी विधार्थीहरुले कलेजलाई धन्यवाद दिंदै यस्ता शैक्षिक कार्यक्रममा फेरी पनि सहभागी हुने प्रतिबद्धता जनाएका थिए ।
