लायन्स क्लव कपिलवस्तु कोरोना भाईरबारे जनचेतना फैलाउदै

ByLumbini Darpan Online

२४ फाल्गुन २०७६, शनिबार १५:०९ २४ फाल्गुन २०७६, शनिबार १५:०९ २४ फाल्गुन २०७६, शनिबार १५:०९

कमला सापकोटा कपिलवस्तु, फागुन २४
लायन्स क्लव अफ कपिलवस्तुले कोरोना भाईरस बारे सचेतना ¥याली गरेको छ । विश्व स्वास्थ्य संगठनले कोरोना भाईरसको उच्च जोखिममा नेपाल रहेको तथ्यांक सार्वजनिक गरे पनि नेपालमा हाल सम्म संक्रमीत व्यक्ति नभेटिएको भन्दै यसबाट सचेत रहने उपायहरुको बारेमा सचेतना गराईएको थियो । पिपरा, बनगाई, गजेहडा, चार नम्बर चोक लगायत वाणगंगा नगरपालिकाका विभिन्न स्थानमा पर्चा पम्प्लेट सहित ¥याली गरिएको थियो । ¥यालीमा सर्वसाधारणहरुलाई पम्प्लेट वितरण गर्दै यसका लक्षण र रोकथामका बारेमा जानकारी गराईएको क्लवका उपाध्यक्ष धातानन्द भुसालले बताए ।

ज्वरो आउने, खोकी लाग्ने, श्वास प्रश्वासमा अप्ठ्यारो हुने, श्वास फेर्न गाह्रो हुने, श्वास प्रश्वास छिटो छिटो हुने, ज्वरो आएको छिटो समयमै निमोनिया हुने, निमोनिया बढ्दै गएर मृगौलाको काम गर्न नसक्ने हुने र मृत्यु पनि हुन सक्ने जस्ता लक्षण बारे सचेत गराईएको थियो । त्यस्तै हातको सरसफाईमा ध्यान दिने, माक्स लगाउनुपर्ने, भिडभाड भएको स्थानमा खासै नजाने, हाच्छ्यिु गर्दा वा खोक्दा मुख छोप्ने, अण्डा तथा मासु जन्य पदार्थ राम्रोसंग पकाएर खानुपर्ने, जो कोहिसंग भेट्दा वा छुट्टिदा अंकमाल वा हात मिलाउन नहुने जस्ता बच्ने उपायहरुको बारेमा पनि सचेत रहन आग्रह गरिएको क्लवका अध्यक्ष कुमार खड्काले जानकारी दिए ।

¥यालिमा क्लवका उपाध्यक्ष सुरेन्द्र घिमिरे, कोषाध्यक्ष राम सुभागे थारु, सचिव राम बहादुर पौडेल क्षेत्री, सदस्यहरु शान्तराज गैरे, विष्णु घिमिरे, राजु भुसाल, महेन्द्र भुसाल लगायत लियो क्लवका पदाधीकारीहरुको पनि उपस्थिती रहेको थियो ।

Facebook Comments Box

Leave a Reply

Your email address will not be published. Required fields are marked *