थानेश्वर अधिकारी,कपिलवस्तु ।
युवाहरुको साझा संस्था कपिलवस्तु जेसीजको आयोजनामा हुन गैरहेको जेसीज सप्ताहको तेस्रो दिन जुन २२ अर्थात असार ८ गतेका दिन बाणगंगा नगरपालिका वार्ड नं.८ चप्पर गाउँमा धान रोपाई तथा बिउ बितरण कार्यक्रम हुने भएको छ ।
बिषतका बर्षमा झै यस बर्ष पनि सन् २०२० जुन २० गते देखी २६ गते सम्म आयोजना हुन लागेको जेसीज सप्ताह कार्यक्रमको पहिलो दिन व्याडमिन्टन खेलको आयोजना गरिएको थियो । दोस्रो दिन आइतबार विश्व योगा दिवशको अवसर पारेर योगा तथा मेडिटेशन कार्यक्रमको गरिएको छ । सप्ताहको तेस्रो दिन जुन २२ गते सोमबार जेसी बाबुराम अर्यालको संयोजकत्वमा बाणगंगा ८ चप्प्परगाउँमा रहेको सुर्योदय आधारभुत बिद्यालय नजिकै धान रोपाई कार्यक्रमको आयोजना गरिएको कार्यक्रम संयोजक अर्यालले बताएका छन् ।
चौथो दिन स्वास्थ्य अभियान , पाँचौ दिन बिद्यालय स्तरीय ओराटोरी प्रतियोगिता , छैठौ दिन रक्तदान कार्यक्रम र जेसीज सप्ताहको अन्तिम जुन २६ गतेका दिन सम्मान तथा समापन कार्यक्रमको आयोजना गरिएको मुल संयोजक जेसी कमल क्षेत्रीले बताएका छन् ।
