लायन्सको पिस पोष्टर कन्टेस्टको प्रथम उपाधी ज्ञानपुञ्जकी सम्पदालाई

ByLumbini Darpan Online

२७ कार्तिक २०७७, बिहीबार १६:०७ २७ कार्तिक २०७७, बिहीबार १६:०७ २७ कार्तिक २०७७, बिहीबार १६:०७

लुदअ, जितपुर ।

लायन्स क्लव अफ कपिलवस्तुले आयोजना गरेको पिस पोष्टर कन्टेस्टमा प्रथम स्थानको उपाधी ज्ञानपुञ्ज अंग्रेजी बोर्डिङ स्कुल बैरियाले प्राप्त गरेको छ । बाल मावि वैरियामा विहीबार भएको कार्यक्रममा ज्ञानपुञ्जकी सम्पदा घिमिरेले प्रथम स्थान हासिल गरेकी छन् ।

प्रतियोगितामा बाल मा.वि.की छात्रा सञ्चिता परियार दोश्रो, बाणगंगा मा.वि.की दिक्षा मरासिनीले तृतीय तथा हथौसा लिटिल स्टार ओदारीकी छात्र विशाल शर्माले सान्तवना स्थान हासिल गर्न सफल भएका छन् । विजेता सबैलाई कार्यक्रमका प्रमुख अतिथि बाल मा.वि. बैरियाका प्रधानाध्यापक अर्जुन शाहीले नगद पुरस्कार र प्रमाण पत्र प्रदान गरेका थिए । प्रमुख अतिथि शाहीले विजयी हुन सफल विद्यार्थीलाई बधाई र शुभकामना दिदै आफ्ना प्रतिभालाई अझै निखारता दिदै जानुपर्ने बताएका छन् ।

क्लवका प्रथम उपाध्यक्ष धातानन्द भुसालको अध्यक्षता, सचिव राम शुभागे थारुको संचालन तथा लायन ओम प्रकाश घिमिरेको संयोजकत्वत्वमा सम्पन्न भएको प्रतियोगितामा लायन राम बहादुर पौडेल क्षेत्रीले निर्णायकको भूमिकामा रहेका थिए ।

कार्यक्रममा क्लवका प्रो नवदत्त घिमिरे, टेमर शान्तराज गैरे, शिक्षक राजमणी बस्याल, राम प्रसाद भुसाल, दिनामणी खनाल लगायतको सहभागिता थियो ।

Facebook Comments Box

Leave a Reply

Your email address will not be published. Required fields are marked *