तिलोत्तमा ,असोज ३१
परिचित बचत तथा ऋण सहकारी सस्था लिमिटेड तिलोत्तमा १२ मोहोनाजोतको ११ औँ साधारण सभा आज सम्पन्न भएको छ ।सस्थाको सभा हलमा सम्पन्न साधारण सभामा बोल्दै राष्ट्रिय महाँसंघका सञ्चालक तथा जिल्ला सहकारी संघ रुपन्देही अध्यक्ष भिम तुलाचनले गाउँ गाउँमा चलेका सहकारीले सर्वसाधारणको जीवन उकास्न भूमिका निर्वाह गरेको बताउनु भयो । उहाँले सहकारीले सदस्यहरुको स्वरोजगारी सृजना गरेको भन्दै अब अझ फरक तरिकाले अगाडि बढ्नुपर्ने दाबी गर्नु भयो ।
साधारण सभामा बोल्दै तिलोत्तमा ११ का कार्यवहाक अध्यक्ष लक्ष्मी गजमेरले सहकारीकै माध्यमबाट महिलाहरु आत्मनिर्भर बन्दै गएको भन्दै सहकारीले नै व्यावसायिक बनाउने बताउनुभयो । उहाँले अझैपनि केही व्यक्ती सहकारीको छातामुनी आउन नसकेको बताउदै अब सबैलाई समेट्ने गरी अगाडि बढ्नुपर्नेे बताउनु भयो ।
कार्यक्रममा बोल्दै गोकुल दुद्ध उत्पादक सहकारी सस्थाका अध्यक्ष हरि काफ्लेले सहकारीलाई कृषिसँग जोड्न सके कोही बेरोजगार हुन नपर्ने बताउनु भयो ।
कार्यक्रममा कमल पौडेल , नारायणी आर्चाय गुमादेवी सुवेदी लगाएतले सहकारीले खेलेको भुमिका विषयमा आफ्ना मन्तव्य राख्नु भएको थियो ।
साधारण ‘सभामा जेष्ठ नागरिक,उत्कृष्ट समुह तथा शुभ चिन्तकलाई सम्मान गरिएको थियो ।
कार्यक्रम संस्थाका अध्यक्ष चित्र बोहोराको अध्यक्षता ,संस्थाका उपाध्यक्ष ,अनिता गुरुङ स्वागत र संस्थाका सचिव राम बहादुर कुवंरको सञ्चालनमा सम्पन्न भएको थियो ।
