हरि आचार्य, कपिलवस्तु
कपिलवस्तुको बाणगंगा नगरपालिका ७ नं वडा कोईलि बनगाई स्थित रिभर साईडमा मैदानमा जारी बनगाई फुटबल कप २०७८ अन्तर्गत दोस्रो चरणका खेल सुरु भएका छन् । बनगाई फुटबल क्लवले आयोजना गरेको बाणगंगामै अहिलेसम्मकै सर्वाधिक टिमको प्रतिस्पर्धा रहेको उक्त खेलको पहिलो चरणको खेल सकिएसंगै दोस्रो चरणको खेल सुरु भएको हो । जम्मा २४ टिम सहभागी रहेको खेल निकै रोमाञ्चक र प्रतिस्पर्धात्मक भईरहेको क्लवका प्रस्तावित अध्यक्ष तिलक गिरीले लुम्बिनी दर्पणलाई बताएका छन् । उनले खेल सफल पार्नका लागि सहयोग गर्ने सम्पुर्ण सहयोगी दातालाई धन्यवाद समेत प्रकट गरेका छन् ।
खेलको उद्घाटन वडाध्यक्ष बिष्णु गिरीले गरेका थिए । खेलकुद क्षेत्रको विकास गर्न वडाले विभिन्न कार्यक्रम सञ्चालन गरिरहेको बताए ।
पहिलो चरणको खेल सकिए पछि अब १२ टिम दोस्रो चरणको खेलमा प्रतिस्पर्धा गर्नेछन् ।
दोस्रो चरणको पहिलो खेलमा आज बनागाई ओरेन्ज र मोर्मी प्रतिस्पर्धामा उत्रीएका थिए । जसमा बनगाईले पेनाल्टी सुट आउटमा जित हासिल गरेको छ । मोर्मीलाई ६–५ को गोल अन्तरले पराजित गर्दै बनगाई जित हासिल गर्न सफल भएको हो ।
त्यस्तै अर्को खेलमा बाणगंगा वेलफेयर सोसाईटि र सिउटी भिडेका थिए । जसमा वेलफेयरले सिउटीलाई २–१ गोलअन्तरले पराजित गरेको खेलका निर्देशक प्रबेश खनालले जानकारी दिए ।
खेलको उद्घाटन वडाध्यक्ष बिष्णु गिरीले गरेका थिए । खेलकुद क्षेत्रको विकास गर्न वडाले विभिन्न कार्यक्रम सञ्चालन गरिरहेको बताए ।
