हरि आचार्य कपिलवस्तु, पुस २६
नवदुर्गा भवानी क्लव चप्परगाउँद्धारा आयोजित अन्तर कपिलवस्तु फुटबल प्रतियोगीताको उपाधि मुहान फुटबल क्लव झुंगाले जितेको छ । “स्वास्थ्यका लागी खेलकुद, राष्ट्रका लागी खेलकुद” भन्ने मुल नाराका साथ कपिलवस्तुको बाणगंगा ८ चप्परगाउँ धनेशपुर खेल मैदान सम्पन्न फाईनल खेलमा न्यु बुद्ध स्पोर्टस बनकट्टीलाई पेनाल्टीमा पछाडि पार्दै मुहान फुटबल क्लव बिजेत बन्न सफल भएको हो भने १–० गोल अन्तरले पछाडि पर्दै न्यु बुद्ध स्पोर्टस क्लव बनकट्टी उपविजेता बनेको छ । विजेता टिमका खेलाडी संजु सेन सर्वाधिक गोलकर्ता बनेका छन् भने उपविजेता टिमका खेलाडी चन्द्र पुन उत्कृष्ट खेलाडी बन्न पुगेका छन् ।
कार्यक्रमका प्रमुख अतिथि बाणगंगा नगरपालिका वडा नं. ८ का वडाध्यक्ष गुणानिधि भुसालले प्रतियोगिताले स्थानीय खेलाडीहरुको क्षमता विकास भई हौसला प्रदान हुने विश्वास व्यक्त गरे । खेल क्षेत्रमा वडाले सधै सहकार्य गर्ने समेत उनले प्रतिवद्धता व्यक्त गरे ।
स्थानीय स्तरका खेल प्रेमी खेलाडीको मनोबललाई उच्च बनाई खेल सिप थप विकास होस भन्ने उद्देश्यले गरिएको प्रतियोगिता सफलतापुर्व सम्पन्न भएको क्लवका अध्यक्ष बम बहादुर उचई (ठकुरी) ले बताए । क्लवका अध्यक्ष बम बहादुर उचाईको अध्यक्षता तथा क्लवका सचिव बाबुराम अर्यालको सञ्चालनमा कार्यक्रम सम्पन्न भएको थियो ।
