नविन भण्डारी कपिलवस्तु, पुस ३
वडा स्तरिय अण्डर सेभेन्टिन क्रिकेट प्रतियोगिताको उपाधि मधुवन बाणगंगा वाल क्लवले जितेको छ । वाल सञ्जाल बाणगंगा नगरपालिका वडा नं. ८ को आयोजना तथा वडा कार्यालयको सहआयोजनामा सम्पन्न प्रतियोगिताको फाईनलमा ज्योति वाल क्लवलाई पराजित गर्दैै मधुवन विजेता बनेको हो ।
टस हारेर ब्याटिङ सम्हालेको विजेता टिम मधुवन बाणगंगाले ज्योतिलाई १६ ओभरमा ७ विकेटको क्षतीमा १ सय १ रनको लक्ष्य दिएको थियो । लक्ष्य पछ्याउने क्रममा ज्योति लक्ष्य भेटाउन नपुग्दै अलआउट भएको हो ।
विजेता टिमका खेलाडि क्षितीज भुसालले सर्वाधिक २३ रन ल्याएका थिए भने मिलन क्षेत्री म्यान अफ द म्याच बन्न सफल भएका छन् । त्यस्तै ब्याटिङ तर्फ म्यान अफ द सिरिज प्रविन भण्डारी र बलिङ तर्फ सत्यम पाण्डे बन्न सफल भएको खेल संयोजक मन्जित बेल्बासेले जानकारी दिएका छन् ।
यो संगै विजेता टिमले नगद ५ हजार र उपविजेताले नगद रु २५ सय सहित कप, मेडल प्राप्त गरेका छन् ।
