लुदअ कपिलवस्तु, फागुन २
कपिलवस्तुको बाणगंगा नगरपालिकामा ‘प्रथम हिलवर्ट राष्ट्रिय महिला भलिवल च्याम्पियन्स–२०७७’ आजबाट सुरु हुंदैछ । नगरको वडा नम्बर २ पिपरको हिलवर्ट इङलिस बोर्डिङ स्कुलले आयोजना गरेको लुम्बिनी कै पहिलो महिला भलिवलको तयारी पुरा भएको हो । आज विहान १० बजे प्रदेश सांसद विष्णु पन्थीले खेलको उद्घाटन गर्नु हुने खेलको पूर्वाधार निर्माण, मञ्च व्यवस्थापन, अतिथि सत्कार, लाइट, प्रचारप्रसार, लगायतका काम सम्पन्न भइसकेको अध्यक्ष दिपक खनालले जानकारी दिएका छन् । उनीहरु सबैलाई विद्यालयमै आवास र खानाको व्यवस्था गरिएको छ ।
प्रतियोगितामा कपिलवस्तुसहित रुपन्देही, दाङ, पोखरा, धरान, काठमाण्डौँ, लगायतबाट ८ टिम सहभागी भएका छन् । शनिबार साँझसम्म सबै खेलाडी स्कुलमा आइसकेको विद्यालय व्यवस्थापन समितिका अध्यक्ष दीपक खनालले जानकारी खेलाडीसंगै अफिसियलहरु, टिम कोचहरु आइपुगेका छन् । काठमाण्डौँको न्यू डायमण्ड क्लव, पोखराको शान्ता भलिवल क्लव, बुटवलका कुँवरवर्ति, एभरेष्ट र दीप स्कुल प्रतियोगिताका प्रम्ख दावेदार टिम रहेको राष्ट्रिय रेफ्री किसन चन्दले जानकारी दिए ।
४ गतेसम्म हुने प्रतियोगिताको विजेताले नगद १ लाख, उपविजेताले ७० हजार, तृतीयले ४० हजार तथा सान्तवना स्थान हासिल गर्ने टिमले २० हजारसहित शिल्ड, मेडल र प्रमाण पत्र पाउने छन् । यस्तै उत्कृष्ट खेल पस्कने खेलाडीलाई पनि व्यक्तिगत रुपमा पुरस्कृत गरिने छ । विद्यालयस्तरबाट आयोजना भएको १ लाख राशीको यो प्रतियोगिता लुम्बिनी प्रदेशमै पहिलो हो ।
विद्यस्तरमा खेलकुदको विकास गर्न र भलिबल खेललाई विकास गर्न प्रतियोगिता आयोजना गरिएकाले खेल अवलोकनको लागि विद्यालयका प्रवन्त्र निर्देशक बुद्धि पौडेले र प्राचार्य कमल पौडेलले आग्रह गरे । प्रतियोगिता सम्पन्न गर्न करिब १२ लाख रुपैयाँ लाग्ने अनुमान गरिएको छ ।
